Кинилэр үксүлэрэ хаарбах туруктаах эргэ дьиэлэргэ олороллор. Инбэлииттэр биир санаалаахтара (салайааччы Александр Коркин) кинилэргэ өй-санаа уонна үп-харчы өттүнэн көмөнү оҥорор туһуттан «Биһиги суолбут» диэн Сунтаар нэһилиэгин уопсастыбаннай фондатын тэрийдилэр уонна СӨ Юстицияҕа министиэристибэтигэр регистрациялаттылар.
Фонда биир сүрүн соругунан инбэлииттэр олорор дьиэлэрин өрөмүөннээһиҥҥэ уонна тутууга көмөлөһүү буолар. Онуоха фонда үтүө санаалаах биирдиилээн дьонтон, судаарыстыбаннай уонна чааһынай тэрилтэлэртэн көмө уонна өйөбүл быһыытынан үп-харчы хомуйар. Билигин олох ыарахаттарыгар түбэспит инбэлииттэргэ көмөлөһөр сыаллаах акцияны ыытар.
Ол курдук, сэтинньи 24 күнүгэр 19.00 чаастан судаарыстыбаннай циркэҕэ Сунтаар улууһун инбэлииттэригэр уонна инбэлиит оҕолоругар көмөлөһөргө анаан «Биһиги суолбут» Сунтаар инбэлииттэрин аһымал фондатын уонна саха эстрадатын чаҕылхай сулустарын күүстэринэн аһымал кэнсиэр буолуоҕа. Тэрийээччилэр биир дойдулаахтарын, Дьокуускай куорат олохтоохторун уонна ыалдьыттарын аһымал кэнсиэркэ эрэнэ күүтэллэр.
Комментарии
Авторизация на сайте через социальные сети