«Сахатранснефтегаз» АО Саха сирин нэһилиэнньэлээх пууннарын гаастыырга анаммыт судаарыстыбаннай бырагырааманы олоххо киллэриигэ күүрүүлээхтик үлэлиир. Бүгүҥҥү туругунан Горнай, Мэҥэ-Хаҥалас, Үөһээ-Бүлүү, Нам уонна Чурапчы улуустарыгар газопровод тардылла турар.
- Илин эҥэргэ газ тиһигин тиийиитэ биллэн турар, 2003 сыллаахха Өлүөнэ өрүс аннынааҕы газопроводы тутууттан быһаччы тутулуктанна. Ити кэмтэн ыла бу эҥэр улуустар «күөх төлөнү» кэтэспитинэн барбыттара.
«Сахатранснефтегаз» АО тутар-монтажтыыр управлениетын, «Адгезия» ХЭТ, «Геострой» ХЭТ үлэһиттэрин күүстэринэн Табаҕаттан Чурапчыгар диэри 103 км. уһуннаах газопровод тардылынна. «РИК+» ААО үбүнэн-харчынынан өйөөтө. Бүгүҥҥү туругунан газ хаһаайыстыбатын эбийиэктэрэ тутуллан бүттүлэр.
Чурапчы сэлиэнньэтин «Молодежнай» кыбартаалыгар гаастаһын үлэтэ бара турар. Үлэ бастакы түһүмэҕэр 50 олорор дьиэ гааска толору холбонуохтаах. Билигин 18 дьиэ холбонно. Бу сыл алтынньытыттан ыла Чурапчытааҕы физическэй культура уонна спорт институтун хочуолунайа үлэлиэхтээх», - диэтэ «Сахатранснефтегаз» АО генеральнай дириэктэрэ Иван Макаров.
Чурапчыга газ хаһаайыстыбатын сайыннарыы салгыы ыытыллар.
Комментарии
Авторизация на сайте через социальные сети