Олоҥхоҕо анаммыт иккис уон сыл тэрийэр национальнай хамыыһыйата бэнидиэнньиккэ мунньахтаата. Хамыыһыйа бэрэссэдээтэлэ, парламент спикерэ Александр Жирков өссө 2011 сыл саҥатыгар Олоҥхо 12 дьоруойдарын оонньуур оҥорон тарҕатыы туһунан быһаарыы ылыллыбытын, ол эрээри бу дьаһалга бытаарыы тахсыбытын чиҥэтэн эттэ. Санатар буоллахха, маныаха анаммыт өрөспүүбүлүкэтээҕи куонкуруска барыта 63 киһи кыттыбыта. Кинилэр Былатыан Ойуунускай «Дьулуруйар Ньургун Боотур», Сергей Васильев «Эрчимэн Бэргэн», Иннокентий Теплоухов «Кулун Куллустуур», Петр Ядрихинскай «Дьырыбына Дьырылыатта кыыс бухатыыр» олоҥхолорун персонажтарын таҥастарын тикпиттэрэ. Куонкурус түмүгүнэн «Дьулуруйар Ньургун Боотур» олоҥхо дьоруойдарынан оонньуур оҥорор туһунан быһаарыы ылылылбыта. Бу 12 куукулаларынан оҕо садтара толору хааччыллыахтаахтар, оҕолор бэйэлэрэ олоҥхоһут оруолугар киирэннэр оонньоон, олоҥхо ис хоһоонун билсиэхтээхтэр.
"Бу оонньуурдарынан кэлэр сылтан ыла оҕо садтарын хааччыйар туһугар үбү-харчыны көрөн, бюджекка киллэриэхтээхпит", - диэтэ Александр Жирков.
Предпринимателлэр маныаха ылсаллара көдьүүстээх буолуон сөбүн туһунан мунньах кыттыылаахтара эттилэр.
Комментарии
Авторизация на сайте через социальные сети