Улуу Кыайыы үбүлүөйдээх быйылгы сэттэ уон сылыгар Күһүүр орто оскуолата өрөспүүбүлүкэтээҕи “Наследники Победы” диэн ааттаах акцияҕа ситиһиилээхтик кыттан, өрөспүүбүлүкэ орто оскуолаларын иһигэр бочуоттаах үһүс миэстэҕэ тиксибитэ.
Кыайыылаах сертификатынан наҕараадаламмыта, ону кытта герой куораттарынан айанныырга уон босхо путевкаҕа тиксибитэ. Бу бириэмийэ Арктика оҕолоругар ыраах сырыы кыаллыбат кэмигэр сүдү бэлэх буолар.
Путевка оскуола уон бастыҥ үөрэнээччитэ тиксибитэ, ол курдук Аркадий Андросов, Руслан Барамыгин,Валерия Варламова, Иван Винокуров, Ангелина Жиркова, Валя Михайлова, Кирил Корякин, Наталья Самойлова, Эдита Слепцова, Надя Шамаева айаҥҥа туруннулар.
Уолаттар бары дьаныардаахтык уонна ситиһиилээхтик спордунан дьарыктаналлар: быйылгы улуустааҕы «Игры дети Севера” күрэхтэр кыайыылаахтара. Валя Михайлова Улуу Кыайыы күнүгэр аналлаах өйтөн суруйууга кыайыы көтөллөннө. Кини эһэтин тыылга Кыайыыны уһансыбыт, биллилээх табаһыт Молот Павлович Никитин туһунан суруйуута биһирэнэн, кыайыылаах үрдүк аата иҥэрилиннэ. Атын да оҕолор бары акция араас тэрээһиннэригэр ситиһиилээхтэк кыттан, онно бэйэлэрин кылааттарын киллэрбиттэр.
Киин сиртэн ыраах сытар Арктика улууһун оҕолоро дьиэлэриттэн үгүстэрэ айаннабатах дьон, дойдубут тэбэр сүрэҕин – киин куоратын аан бастакыларын саҥа көрөллөр. Ол курдук, элбэх оҕолоох Жирковтар дьиэ кэргэн кыыстара Ангелина Жиркова урукку өттүгэр вертолетунан эрэ көтө сылдьыбыт, куоракка борохуотунан кэлбит. Аан бастаан улахан самолету көрөр, онон аан бастаан көтүөхтээх.
Оҕолорун салайан илдьэ сылдьар , директэри иитэр улэҕэ солбуйааччы, Оксана Столетовна Бочарова. Кини кэпсиир: «Үчугэйдик тэринэн айаҥҥа туруннубут, төрөппүттэр харчы булунан оҕолору ыраах айаҥҥа тэрийдилэр. Арай көтүөхпут аҕай иннинэ кыра тэрээбин боппуруоска мэһэй тахсан долгуйа сырыттыбыт. Биэс чыыьылалаҕа былаан быһыытынан ылыммыт билиэппит, Москваҕа гостиницаҕа түһэхтээх куммут сөп түбэспэккэ, бэрт түргэнник биир түүн хонор сир , онно эбии харчы көрдөнөн түбүккэ түстүбүт. Хас биирдии харчыбытын ааҕа сылдьар дьоҥҥо. Хата этэҥҥэ табылынна, аны барыта үчүгэй буолуо диэн үөрэ- көтө айаннаан эрэбит».
Республикатааҕы Оҕо хамсааьынын сайдыытын тэрийэр отделыгар ( Отдел развития детского движения МО РС ( Я ) улахан махтал тылларын тиэрдэбит.
Комментарии
Авторизация на сайте через социальные сети