Дьоро күнүнэн киин куорат олохтоохторун, библиотекардары, ааҕааччылары Ил Түмэн бэрэссэдээтэлэ Александр Жирков эҕэрдэлииригэр: «Өрөспүүбүлүкэҕэ балачча элбэх социальнай объект тутуллар. Ол эрээри библиотеканы тутан киллэрии – бу олох сэдэх көстүү уонна дьоһун суолталаах түгэн. Онон куорат салалтатын маннык быһаарыыны ылбытыгар парламент аатыттан махтанабын», -- диэн бэлиэтээн эттэ.
Спикер куорат библиотекатын киин тиһигин директора Калькарина Карадчинаҕа Ил Түмэн бэрэссэдээтэлин Махтал суругун туттарда. Итиэннэ «Созвездие” библиотека фондатыгар саҥа кинигэлэри бэлэхтээтэ.
Дьокуускай баһылыга Айсен Николаев куоракка отуттан тахса сыл библиотека тутуллубатаҕын санатта. «Билигин куорат уонна өрөспүүбүлүкэ бюджета уустук быһыыга-майгыга, кытааппыт кэмҥэ ылылларыгар, маннык быһаарыыны ыларбытыгар судургута суох этэ. Ол эрээри хайа да кэмҥэ ааҕыы биһиги олохпутугар улахан суолталааҕын уонна оҕолорбут тупсаҕай библиотекаҕа үөрэ-көтө кэлиэхтээхтэрин өйдүүбүт», -- диэтэ баһылык.
Василий Кононов хаартыскаҕа түһэриилэрэ.
Комментарии
Авторизация на сайте через социальные сети