– Медицинскэй карточкаҕын билис. Сайабылыанньа суруйдаххына, эйиэхэ карточка куоппуйатын биэрэр эбээһинэстээхтэр.
– Эн эмтэнииҥ хаамыытын атын быраастар туох дииллэрин билэр туһуттан кинилэртэн эмиэ сүбэлэт.
-- Эйиэхэ Булгуччулаах медицинскэй страховкалааһын полиһын биэрбит страховой медицинскэй компанияттан эмтэнии хаачыстыбатын бэрэбиэркэлииллэригэр көрдөс. Эн бэйэҥ астымматаххын дакаастыырга кыһалын (наадалаах эмтэри биэрбэтэхтэрин, процедуралары ситэри оҥорботохторун уо.д.а.).
– Эн сайабылыанньаҕынан страховка үлэһиттэрэ бэрэбиэркэ оҥорор эбээһинэстээхтэр. Клиницист-быраас быраабы араҥаччылыыр уорганнар нөҥүө медицинскэй докумуоннары ылар. Ол докуомуоннарга олоҕуран, эмтээһин, ыарыыны быһаарыы, реабилатациялааһын төһө сөпкө ыытыллыбытын чопчулуур.
– Росздравнадзор курдук хонтуруоллуур уоргаҥҥа эмиэ тиийиэххэ сөп. Маннык уорган РФ хас биирдии субъегар баар. Эн көрдөһүү суруккунан эмтээһин хаачыстыбатыгар уонна куттал суох буолуутугар судаарыстыбаннай хонтуруол оҥоһуллар.
– Биир эбэтэр икки бэрэбиэркэлээбит тэрилтэ медицинскэй докумуоннары үөрэтэн баран, эмтээһин хаачыстыбатыгар кэһиилэр баалларын дакаастаатахтарына, эмтэммит балыыһаҕар кэлэн эн доруобуйаҕар буортуну оҥорбуттарын толуйтарыаххын эбэтэр итэҕэстэри туораттарыаххын сөп.
– Өскөтүн бу икки тэрилтэ эппиэтэ эйигин астыннарбатаҕына, эмтээһин хаачыстыбатын тутулуга суох бэрэбиэркэлииргэ көҥүллээх тэрилтэҕэ барыаххын сөп (өҥө төлөбүрдээх, ол гынан баран, ороскуоттары кэлин балыыһаттан төлөттөрүөххэ сөп).
Эмтэммит балыыһаҥ эйиэхэ доруобуйаҕар буортуну оҥорбутун иһин төлөбүрү оҥорортон аккаастанар түбэлтэтигэр суукка үҥүс. Туһанааччы быраабын көмүскээһин туһунан сокуон быһыытынан, ыарыһах ирдэбилин толорууттан аккаастаныы иһин (суут үҥсүүнү сөптөөҕүнэн аахпыт буоллаҕына), суут быһаарбыт компенсациятын сууматыттан өссө 50 бырыһыан эмтиир тэрилтэттэн тутуллар.
Комментарии
Авторизация на сайте через социальные сети