Бу дьыл алтынньы 7 күнүгэр бу тэрилтэҕэ Кыайыы 70 сылыгар анаммыт бырайыактарынан ыытыллыбыт үлэни түмүктүүр «Улуу Кыайыыны уруйдуубут!» тэрээһин буолан ааста. Манна «Кыайыы 70 сылын көрсө – 70 үтүө дьыала», «Эхо войны – до нас», «70 фильмов – к 70-летию Победы», «Сэрии дуораанын дорҕоонноро» хоһоон ааҕааччыларын күрэҕэ, «Сэрии мин харахпынан» уруһуй күрэҕэ уонна да атын дьоҕус бырайыактар ыытыллыбыттара. Бу тэрээһиҥҥэ тыыл бэтэрээннэрэ Фомина М.Е., Бочкарева Е. И., Обутова А.П., ону таһынан кырдьаҕастар декадаларын чэрчитинэн ыҥырыллыбыт ытык-мааны бэтэрээммит, тэрилтэбитин 5 сыл устата сатабыллаахтык салайан үлэлэппит директорбыт Бурнашева А.П. кэлэн ыалдьыттаатылар. Кинилэри эҕэрдэлии, ситиһиилэрин кэпсии-ипсии «Үүнэ, сайда тур, Сахам сирэ!» региональнай конкурс кыайыылаахтара Алексеев Айаал, Петухов Алгыс, Пестряков Семен, Семенов Саргылан, итиэннэ «Дабаан» подростковай кулууп чилиэннэрэ көхтөөх кыттыыны ыллылар.
Реабилитационнай кииҥҥэ саҥа ананан үлэлээн эрэр директор Сторожева В.П. бырааһынньыгынан эҕэрдэлээн, махтал тылларын этэн туран ытык-мааны бэтэрээннэрбитигэр эҕэрдэ суруктары уонна сэмэй бэлэхтэри туттарда. Бу бырайыактары иилээн-саҕалаан үлэлэппит директоры иитэр үлэҕэ солбуйааччы Бурцева С.М. үтүө түмүктээх үлэһиттэргэ грамоталары, конкурс кыайыылаахтарыгар махтал суруктарын туттартаата. Социальнай, педагогическай уонна психологическай блоктар салайааччылара Бурнашева Ж.В., Бурцева Е.В., Петухова Л.В., Колесова Н.А. бырайыак чэрчитинэн ыыппыт үлэлэрин туһунан сырдатан, үлэ түмүгүн кэпсээтилэр, медиапрезентацияларынан бигэргэттилэр. Бырааһынньык оҕолор хоһооннорунан, иитиллээччилэр ырыаларынан доҕуһуолланан олус сэргэхтик барда. 1 Хоро нэһилиэгин ырыа куттаах ыччаттара Алексеев И.П., Румянцева Т. А. ыҥырыыбытын ылынан кэлэн ылбаҕай ырыаларынан эҕэрдэлээн тэрээһиммитин өссө киэргэттилэр.
Түгэнинэн туһанан Саха Республикатын кинематография ветераннарын общественнай организациятын бэрэссэдээтэлин П.Н.Лепчиковаҕа, кинематография ветераныгар А.С. Потаповаҕа уонна «Сахафильм» хампаанньатыгар (директор Шадрин Д.В.) бырайыактарбыт олоххо киирэллэригэр сүдү кылааты киллэрбит социальнай партнердарбытыгар махталбытын тириэрдэбит.
Комментарии
Авторизация на сайте через социальные сети