- Соторутааҕыта Бүлүү куоракка «Бүлүү куората» МТ дьаһалтата уонна ыччат политикатыгар отдел тэрийиилэринэн «Кыайыы ойуура» акция ыытылынна. Акцияҕа Бүлүүтээҕи лесничество үлэһиттэрэ, Г.И. Чиряев аатынан 1 №-дээх орто оскуола 10 кылааһын уонна Г.С. Донской аатынан 2 №-дээх орто оскуола 7,8 кылааһын оҕолоро кыттыыны ыллылар. Кинилэр киирбит сайаапкаларынан хатыҥ, харыйа, бэс, рябина мастары аадырыстарынан сылдьан олортулар. Ыччаттарбыт республикаҕа биир бастакынан бу патриотическай хамсааһыҥҥа көхтөөхтүк кыттыбыттара, бэйэлэрин кылааттарын киллэрбиттэрэ олус хайҕаллаах суол.
- Акция ыытылларыгар массыына биэрэн көмөлөспүт «Сахатранснефтегаз» (салайааччы Данилов П.П.), «Коммунтехсервис» (Болдонов Э.Б.) тэрилтэлэригэр тэрийээччилэр истиҥ махталларын тиэрдэллэр.
- Хас биирдии олордуллубут мас сэрии толоонугар охтубут дьон ааттарын үйэтитэ, кэриэстэбил ойуура буола силигилээтин, олоххо тардыһыы бэлиэтинэн буоллун.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети