Сангаартан улуус баһылыга Игнатий Николаевич Спиридонов, үөрэх управлениетыттан Егор Васильевич Полятинскай арыаллаатылар. Дьааҥы хайаларын быыстарыгар турар үрүҥ көмүс хостонор Эндыбал учаастагар сырыттылар. Манна инникитин фабрика дьэндэйэрэ былааннанар. Билиҥҥитэ вахтовай бөһүөлэк тутулла турар. Канадаттан кэлэ сылдьар ыалдьыт Саха сирин кытта үлэлэһэр биһиэхэ табыгастаах диэн эттэ. Ыалдьыттар Кэбээйи улууһун кэрэ айылҕатын сүрдээҕин кэрэхсээтилэр.
Бу күн Сэбээн Күөл нэһилиэгэр үрэҕи туоруур сатыы киһи муостатын аһыллыытыгар сырыттылар. Олохтоохтор ыалдьыттарын арыылаах алаадьынан, уохтаах кымыһынан айах туттулар. Бу муоста тутуллуутун олоохтоохтор уһуннук кэтэспит буолан, үөрүүлэрэ улахан. Нэһилиэк баһылыга Таисия Васильевна Кейметинова Юрий Михайловка уонна «Прогноз» САУо туһаайан махтал тылларын эттэ.
Аҕабыттар фабрика тутуллуохтаах сирин, учаастакка баар чочуобунаны уонна Сэбээн Күөл нэһилиэгэр таҥара дьиэтэ тутуллуохтаах сирин алҕаан ыраастаатылар.
Кэбээйи улууһугар бу фабрика тутуллара Саха сиригэр промышленность сайдарыгар тирэх буолуо диэн эрэнэбит.
Комментарии
Авторизация на сайте через социальные сети