Томпотооҕу отдел штат быһыытынан 9 киһилээх. Государственнай, гражданскай сулууспалаах дуоһунаһыгар суут приставтара-толорооччулар маҥнайгы кылаастаах юристар Зяблицкая Оксана, Зелепухина Жанна; суут үлэтигэр олохтоммут бэрээдэги хааччыйыыга үлэлиир суут приставтара Большаков Филипп, Мярин Дмитрий, Коротких Андрей, Седых Евгения, Чекуров Евгений, суоппар Лукомскай Юрий үлэлииллэр. Эҥкилэ суох сулууспаларын иһин салаа наҕараадаларын - III уонна II степеннээх мэтээллэри Зяблицкая О.А., Большаков Ф.Н., III степеннээх мэтээли Зелепухина Ж.Д., Мярин Д.П., Коротких А.Ю. ылар чиэскэ тигистилэр.
Томпо улууһун суутун приставтарыгар 2015 с. 9 ый устатыгар толотторорго 4 000 тахса дьыала киирбитэ. Государство дохуотугар 4 мөл. солк. кэриҥэ ирдэниллэн киллэрилиннэ, физическэй сирэйдэр туһаларыгар 5 мөл. солк. ордук үп ирдэннэ. Дьиэ-уот коммунальнай хаһаайыстыбаҕа 5 мөл. солк. кэриҥэ киллэрилиннэ. Аналлаах боломуочуйалаах органнарга түһэриллибит ыстарааптар 500 тыһ. солк. тахса буоллулар. Сууттарга судьуйалар уонна суукка кыттааччылар куттала суох буолууларын хааччыйыыга 1500 сайаапка толорулунна, 265 сайаапка толотторууну модьуйар дьыалаҕа кыттарга киирбитэ, 8 киһини суукка күүс өттүнэн аҕалыллыбыттара.
Комментарии
Авторизация на сайте через социальные сети