ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
27 июля 2015, 16:59

«Халыма» суолу уһун ардахтар алдьаттылар


От ыйын ортото курулас ардахтаах буолла. Онтон сэдиптээн «Халыма» федеральнай суол Хаандыга уонна Уус-Ньара икки ардыларынааҕы учаастагар хайаттан түһэр сүүрүктэр суолу алдьаттылар.

«Халыма» суол 632-662 км учаастагын бэрэбиэркэлээһин аагын көрдөххө, массыына сырыыта тохтотуллубут. «Халыма» массыына суолун тутуу объектарыгар күүстээх ардахтар түһэннэр, 80, 87, 92, 100, 103 пикеттэргэ, билигин үлэлии турар «Халыма» 643,5, 646,9, 647,4 км уу суолу тоҕута көппүт. ПК-108 миэстэҕэ сир араҥатын сыҕарыйыыта бэлиэтэммит, уу суолу быспыт, ол түмүгэр массыыналар сырыылара тохтотуллубут. От ыйын 11 күнүгэр күнүс 15-00 чаастан от ыйын 12 күнүн түүн 1-00 чааска диэри «Заполяргражданстрой» ХЭТ күүһүнэн суолун суураллыбыт учаастактарын ыраастааһыҥҥа уонна оҥорууга үлэ ыытылынна. Икки ууну аһардар турба уурулунна.

photoByWidth&id=40600&width=1000

Бу учаастакка «Заполяргражданстрой» ХЭТ иккис сылын үлэлиир. Тэрилтэ үлэлиир учаастагыттан 2 км сиргэ дохсун сүүрүк ааспыт. Айанньыттар кэлэн көмөлөһөргө көрдөспүттэригэр «Камацу-375», трал 2-3 ч. курдук ыраастаабыттар. От ыйын 13 күнүгэр итинник балаһыанньа атын учаастакка үөскээбит: уу 100 м курдук уһуннаах, 20 м курдук кэтиттээх учаастагы сотон ааспыт, турбалары кытта илдьибит. Олус элбэх киһи мустубут, онон тэрилтэ көмөҕө тахсарга тиийбит, алдьаныыны туораппыт. Ити учаастакка 4 ыарахан техника, 3 көлүөһэлээх техника, трал уонна 10 суолу тутааччы тохтоло суох үлэлээбиттэр.

«Стройгазконсалтинг» тэрилтэ бу суолга 2008 сылтан үлэлиир. Олохтоох нэһилиэнньэҕэ, чугастааҕы бөһүөлэктэргэ: Развилкаҕа, Уус-Ньараҕа куруутун көмөлөһөргө кыһанар. Көрдөстөхтөрүнэ хаһан да аккаастаабаттар. Быйыл тахсыбыт быһылааҥҥа массыына ааһарын хааччыйдылар. Маннык түбэлтэлэр Хара уонна Араҕас Кыбычыыннар, Хараҥаччы Уйата курдук уустук сирдээх-уоттаах учаастактарга элбэхтик тахсаллар.

photoByWidth&id=40601&width=1000

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 807 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ