- Манна Хаҥалас улууһун Өктөмүттэн, Уус-Алдан Тумулуттан,Чурапчы Мындаҕаайытыттан, Амма Алтаныттан уонна Намтан норуот театрдара кыттыннылар.
- Тыа сирин түбүктээх олоҕуттан быыс булан ускуустубаҕа сулууспалыыр норуот театрдарын энтузиастара умсугуйан, имэҥирэн туран оонньоон көрөөччү биһирэбилин ыллылар.
- Күрэс Гран-При бирииһин Алексей Кривогорницын режиссердаах Намнааҕы норуот театра Н. Неустроев «Муммут оҕо кэпсээнэ» айымньытынан туруорбут «Уоруйах» спектаклынан ылла. Сүрүн оруолу оонньообут эдэр артыыс Коля Михайловы үгүс киһи бэлиэтии көрдө.
- «Балыксыт» кэпсээни дьүһүйбүт СӨ култууратын туйгуна Валерий Лобанов режиссердаах Алтаннааҕы норуот театра маннык фестивалларга өрүү ситиһиилээхтик кыттар. Бу да сырыыга «Көрөөччүлэр биһирэбиллэрэ» уонна «Бастыҥ музыканан киэргэтии» номинацияларынан биһирэннэ. Оттон «Бастыҥ көстүүм» номинацияны «Тиэтэйбит» комедияны туруорбут «Айыллаан» Тумуллааҕы норуот театра ылла.
- «Бастыҥ эр киһи оруола» аат «Тиэтэйбит» комедияҕа Хаҥынай Сэмэн уобараһын чаҕылхайдык арыйбыт Өктөмнөөҕү норуот театрын артыыһа Василий Копыриҥҥа, оттон «Бастыҥ дьахтар оруола» аат эмиэ «Тиэтэйбиккэ» Аллаах Алааппыйаны олус итэҕэтиилээхтик оонньообут Мындаҕаайытааҕы норуот театрын артыыһа Пелагея Ефимоваҕа сөптөөхтүк ананна.
- Дьүүллүүр сүбэҕэ Саха сирин норуот театрдарын салайааччыта, СӨ үтүөлээх артыыһа Николай Пономарев, П.А. Ойуунускай аатынан судаарыстыбаннай бириэмийэ лауреата, Саха театрын артыыһа Айаал Аммосов, Таатта улууһун култуураҕа уонна духуобунай сайдыыга управлениетын начальнигын солбуйааччы Марианна Степанова үлэлэстилэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети