Алтынньы 11 күнүгэр Дьокуускай куорат дьаһалтата «Якутия» авиакомпанияны кытары «Тус холобур» акция түмүктэрин таһаардылар.
РФ куораттарыгар көтөр инбэлииттэр билиэт ылалларыгар көмөлөһөр сыаллаах акцияҕа самолетунан элбэхтик көтөр пассажир бэйэтин баҕатынан «Yakutia Free Flight» бырагыраамаҕа баллары ыытыахтааҕа. Ыам ыйын 18 күнүттэн саҕалаан 92 тыһыынча баал хомулунна. Ол түмүгэр «Мэһэйэ суох эйгэ» уопсастыбаннай тэрилтэ чилиэннэрэ Афанасий Лаптев, Александр Прокопьев уонна Андрей Дьяконов авиабилиэттэринэн наҕараадаланан, алтынньы 15-16 күннэригэр Хабаровскайга Уһук Илиҥҥи форумҥа кыттар кыахтаннылар.
Көтөр билиэттэри акция түмүктэрин таһаарыы кэмигэр үөрүүлээх быһыыга-майгыга туттардылар. Үөрүүлээх дьаһалга куорат мээрин бастакы солбуйааччы Дмитрий Садовников, Куорат думатын депутата Антонина Титова, «Якутия» авиакомпания генеральный дириэктэрэ Ольга Федорова уонна маркетинг дириэктэрэ Григорий Решетников кытыннылар.
Дмитрий Садовников «Тус холобур» акция чэрчитинэн «Якутия» авиакомпанияны кытары бииргэ үлэлэһии инникитин салҕаныаҕар эрэлин биллэрдэ.
Комментарии
Авторизация на сайте через социальные сети