ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
17 августа 2015, 16:39

«Сунтаар ыччатын – тыа сиригэр» илии хотуурунан оттооһуҥҥа улуустааҕы күрэхтэһии ыытылынна


Ааспыт өрөбүлгэ Сунтаар киинигэр, Көрдүгэннээх диэн сиргэ быйыл аан бастакытын «Сунтаар ыччатын – тыа сиригэр» («СЫТС – 2015») оту илии хотуурунан охсууга улуустааҕы күрэхтэһии ыытылынна. Бу күрэс Улуу Кыайыы 70 сылыгар уонна Сунтаар нэһилиэгэр Тыа хаһаайыстыбатын сылыгар ананан тэриллиннэ.

photoByWidth&id=42005&width=1000

Күрэхтэһии үөрүүлээх аһыллыытыгар уонна сабыллыытыгар улуус баһылыга Анатолий Григорьев, Сунтаар нэһилиэгин баһылыга Эдуард Филиппов, тыа хаһаайыстыбатын управлениетын начальнига Иван Тихонов уонна ыччат отделын салайааччы Роман Догойдонов кэлэн күрэстэһээччилэри эҕэрдэлээтилэр.

Бастакытын ыытыллар күрэхтэһиигэ барыта биэс хамаанда күөн көрүстэ. Уһун Күөл, Сунтаар иккилии хамаандалары уонна ыччат отделын үлэһиттэрэ бэһис хамаанда буолан кытыннылар.

«СЫТС» киэһээҥҥи өттүгэр уолаттар хапсаҕайга, кыргыттар «балык былдьаһыытыгар» күрэс былдьастылар.

Көрөөччүлэри, кыттыылаахтары улууспут тыатын хаһаайыстыбатын управлениета этинэн, сүөгэйинэн күндүлээбитэ күрэс таһымын өссө тупсарда. Күрэхтэһии түмүгүнэн Уһун Күөл хамаандата бастаата сыаналаах бириистэринэн уонна көһө сылдьар кубогынан наҕараадаланна.

Эһиил мотуордаах хотууру, Кытай тыраахтырдарын киллэриэххэ наада эбит диэн сүбэлэһии буолла уонна элбэх хамаанда кыттыаҕын баҕардылар. 

Ыччат отдела.

 

photoByWidth&id=42006&width=1000

photoByWidth&id=42007&width=1000

photoByWidth&id=42008&width=1000

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 817 Источник: ЯСИА Автор: CИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ