Турнирга 12 улуустан 2003-2005 сс. төрүөх уолаттар — барыта 125 тустуук кэлэн күөн көрүстэ. Бэл Эбээн-Бытантай, Өймөкөөн, Сунтаар, Тиксии, Кэбээйи курдук ыраах улуустартан, суол-иис уустугуттан иҥнибэккэлэр, кытыннылар. Турнир сылтан сыл географията кэҥээн, кыттааччыта элбээн иһэрэ кэрэхсэбиллээх.
Бу турнирга бэйэлэрин кэмнэригэр Саха сиригэр эрэ буолбакка РФ уонна аан дойдуга киэҥник биллибит, чемпион, призер аатын ылбыт бөҕөстөрбүт Леонид Спиридонов, Александр Контоев, Осип Михайлов, Петр Сивцев, Вадим Семенов, Александр Дуц, Кузьма Сивцев уо.д.а.тустубуттара.
Николай Кириллович төһө да сааһырдар, тустуутун тохтото илик. Ол курдук, 75 сааһыгар Элиста куоракка ыытыллыбыт РФ ветераннарын чемпионатыгар аан дойду үс төгүллээх чемпионун Лано Маграняны ыраастык кыайан ветераннарга рекорд олохтообута. Кини СР тустууга федерациятын чилиэнин быһыытынан 2012 сылтан саҕалаан Саха сирин ветеран тустууктарыгар үс турниры тэрийэн ыытта. Кэлэр сыл кулун тутар ыйыгар IV турниры ыытаары сылдьар. Сыллата көҥүл тустууга Саха АССР бастакы маастардара буолбут ХИФУ-СГУ үс профессора - Николай Гоголев, Алквиад Иванов уонна Николай Алексеев ааттарынан аһаҕас турниры иилээн-саҕалаан ыытар.
Быйылгы турнирга Нам улууһуттан 13 оҕо ыйааһыннарыгар бириистээх миэстэлэри ыллылар. Ол курдук, Саша Николаев (28 кг.) бастакы, Дьулусхан Саввинов уонна Иосиф Намылов (30 кг.) үһүс, Саша Александров (32 кг.) үһүс, Коля Соловьев (35 кг.) үһүс, Арсен Мордосов (46 кг.) үһүс, 50 кг. Ваня Ядрихинскай бастакы, Кеша Шапошников иккис, Витя Попов уонна Слава Слепцов үһүс, 55 кг. Женя Кондаков бастакы, Руслан Осипов иккис, Егор Васильев (55 кг. үөһэ) иккис буоллулар.
Күрэхтэһии анал бириистэринэн бэлиэтэннилэр: "Үчүгэй техникатын иһин" - Петя Лыткин (Уус-Алдан), "Саамай кэскиллээх тустуук" - Арсен Кононов (Хаҥалас), "Үчүгэй тустууну көрдөрбүтүн иһин" - Женя Кондаков (Нам), "Үчүгэй быраҕыы (прием) иһин" - Саша Николаев (Нам).
Турниры тэрийиигэ көмөлөстүлэр: "Гранд" ХЭТ (салайааччы С.К. Прокопьев), "Копиртехсервис" ХЭТ (А.Т. Никифоров), ИП Охлопков М.Р. ("Коника"), "Бөтүҥ нэһилиэгэ" МТ (баһылык М.В. Макаров), "Барыс" такси (Е.Э. Бурнашева), "Кэскил" бааһынай хаһаайыстыба (А.А. Кузьмин), бырааттыы Николай, Владимир Алексеевтар, Афанасий Алексеев дьиэ кэргэнэ, тустууга ССРС чемпиона С.В. Колесов уо.д.а.
Комментарии
Авторизация на сайте через социальные сети