ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 июня 2015, 16:10

Уус-Алдаҥҥа Ыччат парламенын көҕүлээһининэн дьиикэй көнөпүлэни суох оҥорууга акция ыытылынна


Уус-Алданнааҕы депутаттар Советтарын иһинэн үлэлиир Ыччат парламенын көҕүлээһининэн бэс ыйын 23 күнүгэр Уус-Алдан улууһун Бороҕон нэһилиэгэр дьиикэй көнөпүлэни суох оҥорууга "Операция МАК-2015" акция ыытылынна.
Акцияҕа улуусатааҕы ИДьО полициятын капитана, Суотту уонна Бороҕон нэһилиэктэрин участковайа Юрий Мамонтов, Ыччат парламеныттан Дьулустаан Сергеев, улуустааҕы НКИК үлэһиттэрэ Нарыйа Бочкарева, Григорий Охлопков уонна бааһына хаһаайына Владимир Барашков кытыннылар. Бэлиэтээн эттэххэ, республикатааҕы Ыччат парламена былырыын Нам улууһугар маннык акцияны ыытан турардаах. Акцияҕа Ыччат парламенын уонтан тахса чилиэнэ кыттыыны ылбыта.
photoByWidth&id=38511&width=1000
Отутус, түөрт уонус сылларга промкомбинат сыаҕар анаан кыра холкуостар быа уонна пакля оҥорорго көнөпүлэни анаан үүннэрэллэрэ. Ол оҥорон таһаарыы кэнники тохтоон, көнөпүлэ билигин быраҕыллыбыт бааһыналарга, өрүс кытылынан сыыс от курдук үүнэр, наркотикка туттуллар буолбут.
Бороҕон нэһилиэгэр эргэ бааһынаҕа хас сыл ахсын дьиикэй көнөпүлэ үүнэн, участковайдар үргээччилэри манаан хаста да туппуттар. Участковай Юрий Мамонтов этэринэн, үксүн улуус таһыттан кэлэр дьон үргүү сатыыр.
Бу күн акция кыттыылаахтара бааһынаны хорутан, хаалбыт көнөпүлэни илиилэринэн үргээн, бугуллаан уматтылар. Бу бааһынаттан дьиикэй көнөпүлэни үргээччилэр ытыс соттор буоллулар. Мантан ыла улууска дьиикэй көнөпүлэни суох оҥоруу акциялара салгыы ыытыллаллара былааннанар.
photoByWidth&id=38515&width=1000
Бэлиэтээн эттэххэ, өскөтүн бааһынаҕа дьиикэй көнөпүлэ үүнэр буоллаҕына - бааһына хаһаайына ону хайаан да суох оҥоруохтаах. Утардаҕына эбэтэр тугу да гымматаҕына кини утары административнай быраабы кэһии кодексын 10.5 ыстатыйатынан дьыала тэриллиэн сөп. Оттон көнөпүлэни үргээн наркотикка туттар киһи РФ Холуобунай кодексын 228 ыстатыйа маҥнайгы уонна иккис чаастарынан холуобунай дьыалаҕа түбэһэрин өйдүөх тустаах.
При частичном или полном использовании материалов гиперссылка на сайт ysia.ru обязательна.
Категория: Территория Просмотров: 926 Источник: ЯСИА Автор: Дьулустаан СЕРГЕЕВ Изображение: Дьулустан Сергеев Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ