Александр Николаевич хоһооннорун сахалыы уонна нууччалыы тылынан культура колледжын устудьуоннарын, Былатыан Ойуунускай аатынан Саха академическай тыйаатырын артыыстарын Елизавета Потапова уонна Дмитрий Михайлов, Өксөкүлээх Өлөксөй аатынан Норуоттар доҕордоһууларын дьиэтин генеральнай директорын бастакы солбуйааччы Розалия Колосова уонна Любовь Ахметова толорууларыгар иһиттибит.
Бу дьоро киэһэни СР үтүөлээх артыыската, “Айархаан” бөлөх салайааччыта, поэтесса Альбина Дягтерева, Монголия культуратын туйгуна, СР культуратын үтүөлээх үлэһитэ Балдорж Хуухээ, СР үтүөлээх артыыската, С.Зверев аатынан Үҥкүү театрын оркестрын солиската Анна Томская тыыннаах хомус, флейта, кырыымпа тыаһынан доҕоһуоллаатылар.
Быыстапка арыллыытыгар норуот маастара Борис Федорович Неустроев – Мандар Уус, национальнай политикаҕа государственнай комитет отделын салайааччыта Игорь Семенович Ефремов, СР народнай суруйааччыта Семен Титович Руфов, СР народнай поэттара Рафаэль Багатайский, Василий Тарасович Сивцев, “Уус” норуот маастардарын сойууһун салайааччытын солбуйааччы Семен Викторович Иванов, Өксөкүлээх Өлөксөй аатынан Норуоттар доҕордоһууларын дьиэтин генеральнай директорын бастакы солбуйааччы Розалия Ефимовна Колосова истиҥ-иһирэх эҕэрдэ тылларын Александр Николаевичка анаатылар.
Александр Николаевич Гоголев – Сатал Уус “Көҕүөр ойуу таабырына” диэн быыстапкатын Өксөкүлээх Өлөксөй аатынан Норуоттар доҕордоһууларын дьиэтигэр Омуктар культураларын хоһугар ахсынньы 9 күнүттэн 20 күнүгэр диэри кэлэн көрөн, көҕүөр ойуу таабырынын таайыҥ!
Каасса телефона: 32-82-96.
Норуоттар доҕордоһууларын дьиэтэ
Комментарии
Авторизация на сайте через социальные сети