Иккис форумҥа СӨ гражданскай көҕүлээһини сайыннарыыга департаменын салайааччы Николай Бугаев, коммерческайа суох тэрилтэлэри кытта үлэлиир отдел салайааччыта, биир дойдулаахпыт Сардаана Алексеева кэлэн, форумҥа кытыннылар, бэйэлэрин санааларын, сүбэлэрин тириэртилэр.
Спиров Илья Васильевич сиэлтэн, кылтан оҥоһуктарын дьон сэргээтэ
Икки күннээх форумҥа улуус 26 нэһилиэгиттэн уопсайа 50 түмсүү кытынна. 18 түмсүү бэйэтин үлэтин билиһиннэрдэ. Холобур, Кутанаттан «Ситии» түмсүү салайааччыта Валентина Дьячковская бу күһүн Францияҕа «Лоскутная мозаика» диэн норуоттар икки ардыларынааҕы быыстапкаҕа баран хайдах кыттан кэлбитин туһунан олус интэриэһинэйдик кэпсээтэ. «Экстрим-тур» салайааччыта Клара Иванова Дьэли үрэҕэр тыынан устан айанныылларын дьон олус сэргээтэ. Оттон «Абылаҥнаах кыл-сиэл, оҕуруо оһуордара» түмсүү салайааччыта Ольга Григорьева биэс нэһилиэк дьахталлара мустан, сиэлинэн, оҕуруонан дьарыктаналларын, манна оҕолору үөрэтэллэрин туһунан кэпсээтэ. Ватсапп нөҥүө булсан, билсэн, биир интэриэстээх дьон түмсүү тэриммиппит, диир Ольга Федотовна.
Оҕуруонан тиһиллибит ойуулар
Коммерческайа суох тэрилтэлэр улуус мунньахтыыр саалатыгар түмсэн, улууска баар араас түмсүүлэр регистрацияланан баран, араас куонкурустарга кыттан, үп-харчы ылан үлэлииллэригэр сүбэлээтилэр, регистрацияны хайдах быһыылаахтык ааһары куораттан кэлбит тустаах үлэһиттэр билиһиннэрдилэр. Форум иккис күнүгэр биһиги улууспутугар волонтердар үлэлэрин сайыннарыы, олох араас ыарахаттарыгар түбэспит оҕолорго, кинилэр төрөппүттэригэр социальнай уонна педагогическай өуөлөрү оуоруу, кыаммат, ыарыһах, соҕотох олорор кырдьаҕастарга социальнай өуөлөрү оуоруу боппуруостарыгар бырайыак көмүскээтилэр.
Икки күннээх форум түмүгүнэн резолюция ылыннылар. Аны кэлэр сылга региональнай форуму Сунтаарга ыытарга диэн сүбэлэстилэр.
Комментарии
Авторизация на сайте через социальные сети