- Бу бастакы фестивальга элбэх кыттааччы кэлбитэ үөрдэр. Эһиил спиниҥинэн балыктааһыҥҥа күрэстэһиини Физкультурник күнүгэр сөп түбэһиннэрэн, дьону-сэргэни киэҥник хабан ыытыахха диэн этии киирдэ.
- Балыксыттар сэрэбиэй быһыытынан анаммыт сирдэригэр туран, судьуйа хамаандатынан спиниҥнэрин ууга кыырата бырахтылар.
- Кытыл устун балыксыттары кэрийэн көрдүм, бэркэ тэринэн кэлбиттэр. Көхтөөх балыксыттан Е.Н.Павловтан тэрээһин туһунан ыйыталастым:
- - Тэрээһинэ олус үчүгэй, кыттааччы элбэх. Билиҥҥитэ балык хаптара иликпит, блеснабытын барытын уларыттыбыт. Хамаандабар биллэҕим уола уонна бэйэм уолум бааллар, - диэн эттэ «Дьоһун экземпляр» номинация кыайыылааҕынан буолбут сэһэргэһээччим.
- Атын номинациялар кыайыылаахтарынан буоллулар: «Улахан балык» - Витя Тимофеев, «Маҥнайгы балык - Айдар Ахменов.
- Саамай элбэх балыгы хаптарбыт Витя Тимофеев капитаннаах үөрэнээччилэр хамаандалара бастаата. Байанайдара тосхойон Петр Гермогенов уонна Федор Ноговицын хамаандалара бириистээх миэстэлэри ыллылар.
- Балыксыттарга «»Пирамида атыы-эргиэн киинэ, «Булт уонна балык эйгэтэ» маҕаһыын дириэктэрэ Егор Слепцов туруорбут бириистэрин уонна урбаанньыт С.Г.Гребнев – 5000 солкуобайдаах сертификатын үөрүүлээх быһыыга-майгыга туттардылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети