«Калейдоскоп» оҕо телестудиятын иитиллээччилэрэ, учууталлар анал бырайыагынан Москва-Смоленскай-Ржев-Санкт-Петербург-Ильмень хайысханан Ньурба оройуонуттан сэриигэ баран тыыннарын толук уурбут буойуттар ааттарын үйэтитэр сыаллаах баран кэллилэр.
Оҕолор Герой-куораттар ытык сирдэринэн, музейдарынан сылдьан биир дойдулаахтара кыайыыга киллэрсибит кылааттарын, ол уоттаах кыргыһыы буолан ааспыт сирдэрин эт харахтарынан көрөн, үгүһү билэн кэлбиттэр.
Историк учуутал Розалия Бушкова оҕолорго салайааччы быһыытынан барсыбытын таһынан, аҕата Софрон Бушков сэриигэ кыргыспыт суолунан сылдьыбыт.
Оҕо телестудиятын иитиллээччилэрэ бу сырыыларыгар сэрии толоонугар охтубут саха саллааттарын туһунан ботуччу видеоматырыйаал хомуйдулар. Өстөөх сабардаабыт куораттарын босхолуурга кыттыыны ылбыт Ньурба буойуттарын билиһиннэрэн, сылдьыбатах сирдэрин көрөн-истэн, сыалларын ситиһэн кэлбиттэр.
Комментарии
Авторизация на сайте через социальные сети