ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
25 августа 2015, 16:41

Намнар Хэвенди Стидтэрэ - «Эҥсиэли кубогын» кыайыылааҕа


Ааспыт субуотаҕа Нам улууһун киин ипподромугар «Эҥсиэли кубога» ат сүүрдүүтүгэр республикатааҕы күрэс буолла.

Күрэхтэһиигэ Нам, Амма, Чурапчы, Хаҥалас, Уус-Алдан, Үөһээ Бүлүү, Сунтаар, Мэҥэ-Хаҥалас улуустара кытыннылар. Сүүрдүү 6 дистанцияҕа буолла. Барыта 29 ат сүүрдэ.

2 саастаах аттар 800 м дистанцияҕа сүүрүүлэригэр 1 м. - Синьорита 57,05 сөк. (Мэҥэ-Хаҥалас, сүүрдээччитэ В.Н. Брызгалов, тренерэ В.А. Игнатьев), 2 м. -- Крэк 58,04 сөк. (Мэҥэ-Хаҥалас,С.М. Гаврильев, В.А. Игнатьев) уонна 3 м. - Мүрүчээнэ 1 мүн. (Уус-Алдан, Д.Н. Кычкин, А.А. Слепцов) ыллылар.

photoByWidth&id=42641&width=1000

1600 м дистанцияҕа (3 саастарыттан 4-гэр диэрилэргэ): 1 м. - Балтимор - 1 м. 56 сөк. 03 (Нам, А.А. Куличкин, С.П. Ядреев), 2 м. - Соргулаах - 1 м. 57 сөк. 06 (Уус-Алдан, Д.Н. Кычкин, А.А. Слепцов), 3 м. - Уолан - 1 м. 59 сөк. 01 (Амма, И.В. Иванов, А.А. Баишев). Кыайыылаахтар "Эрэл" ТХПК туруорбут бириистэринэн биһирэннилэр.

1600 м дистанцияларга (4-тэн үөһэ саастаахтарга): 1 м. - Комментант 1 м. 49 сөк. 05 (Нам, А.А. Куличкин, С.П. Ядреев), 2 м. - Дружина - 1 м. 51 сөк. 65 (Сунтаар, К.В. Иванов, К.В. Иванов), 3 м. Кул Джет - 1 м. 57 сөк. 66 (Үөһээ Бүлүү, М. Александров, А.Г. Неустроев). Кыайыылаахтарга Ил Түмэн депутата Н.И. Румянцев туруорбут бириистэрин туттардылар.

1200 м дистанцияҕа 3 саастаах аттар сүүрүүлэригэр: 1 м. - Кыымчаана (Мэҥэ-Хаҥалас, бириэмэтэ 1,15,08); 2 м. - Саара (Чурапчы, бириэмэтэ - 1,16,02); 3 м. - Килбиэнэ Куо (Нам, бириэмэтэ — 1,16,09). Кыайыылаахтар Ил Түмэн депутата В.И. Федоров туруорбут бириистэрин ыллылар.

photoByWidth&id=42642&width=1000

1200 м. дистанцияҕа (үстэригэр диэри саастаахтар сүүрүүлэригэр) "Нам улууһа" МО дьаһалтата бирииһэ оонньонно. Бу сүүрүүгэ: 1 м. - Ориентир (Нам, И.В. Иванов, С.П. Ядреев), 2 м. - Ноу Биг Дил (Амма), 3 м. - Плазма (Сунтаар) ыллылар. Ориентир бириэмэтэ -- 1 м. 13 сөк. 06. Ноу Биг Дил - 1,14,07. Плазма -- 1,15,02. Санта Лючия (Чурапчы) — 1,15,07.

Миэстэлэспиттэргэ туһааннааҕынан 35 000 солк., 2 м. - 20 000 солк., 3 м. - 10 000 солк. туттарылынна.

"Эҥсиэли кубогар» 2400 м. уһуҥҥа 4 саастарыттан үөһэ саастаах 6 сылгы сүүрдэ. Бу дистанцияҕа "Нам улууһа" МО баһылыгын 100 000, 60 000, 40 000 солкуобайдаах бириистэрэ туруорулунна. Манна Нам улууһун аатыттан киирсэр "Колми" ХЭТ Хэвенди Стид сүүрүүгэ (сүүрдээччи И.В. Иванов, тренерэ С.П. Ядреев) дистанцияны 2 мүн. 49 сөк. кэлэн бастаата. Неарх (Хаҥалас, 2 мүн. 50 солк. 06), Вершитель (Сунтаар, 2 мүн. 52 сөк. 07) иккис, үһүс миэстэлэри ыллылар.

Күрэхтэһиини Нам уола Алексей Посельскай олус сэргэхтик кэпсээн-ипсээн ыытта. Тэрээһиҥҥэ И.С. Гаврильев аатынан Нам 1 №-дээх орто оскуола иһинэн үлэлиир «Дети добра» диэн волонтерскай хамсааһын оҕолоро күүс-көмө буоллулар.

Ат сүүрдүүтүн спордун улуустааҕы федерациятын президенэ, улуус баһылыгын солбуйааччы Артур Яковлев күрэхтэһиигэ спонсордаан бирииһи туруорбуттарга, бары тэрээһиннэргэ көхтөөхтүк кыттыбыттарга махталын биллэрдэ, кыайыылаахтары, ат сүүрдүүтүн сэҥээрээччилэри үрдүк ситиһиинэн, кыайыынан эҕэрдэлээтэ.

При частичном или полном использовании материалов гиперссылка на сайт ysia.ru обязательна.
Категория: Спорт Просмотров: 931 Источник: ЯСИА Автор: Семен Аргунов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ