- Аммаҕа улуус ыһыаҕар «Амма Куо-2015» кэрэ куолар куонкурустара буолла.
- Бэс ыйын 25 күнүгэр Улуу Кыайыы 70 сылыгар анаммыт улуус Саргы ыһыаҕар ыытыллыбыт «Амма Куо — 2015» куонкуруска аҕыс кыттааччы кытынна. Туруорааччы-режиссер - Анджела Качановская, хореограф – Изабелла Егорова. Тэрээһини «Саха» НКИИК үлэһитэ, «Харах далыгар» биэрии ыытааччыта Георгий Белоусов иилээн-саҕалаан ыытта.
Күрэс анал ыалдьытынан саха эстрадатын ырыаһыта Виталий Очиров буолла. Кэнсиэркэ Амма артыыстара Милена Борисова, Николай Протасов, Феодосий Наумов, Василий Татаринов, Максим Чемезов, дьахталлар “Ыра Санаа” коллектвтара, А.А. Черемных аатынан Искусство оскуолатын иитиллээччилэрэ кытыннылар.
Жюрига биир дойдулаахтара, “Мисс Республика Саха (Якутия)-2014” куонкурус кыайыылааҕа уонна “Мисс Россия-2015” куонкуруска уон бастыҥ иһигэр киирэри ситиспит Лидия Семенова үлэлээтэ.
Куонкурус түмүгүнэн «Амма Куо-2015» аат Любовь Ивановаҕа (Сатаҕай) иҥэрилиннэ уонна ИП Афанасий Артемьев туруорбут 130 тыһ. солк. бирииһинэн (илин кэбиһэр, бастыҥа, ытарҕа, биһилэх) биһирэннэ. Маны сэргэ киниэхэ көрөөччүлэр биһирэбиллэрин бирииһэ туттарылынна.
I вице-мисс «Сардаана Куо» ааты Туйаара Софронеева (Соморсун) ылла. Кини ИП Альбина Аммосова бирииһин — ЖК телевизор хаһаайкатынан буолла.
II-вице-мисс « Кэскиллээнэ Куо» аат Наташа Никандроваҕа (Амма) бэрилиннэ. Киниэхэ ИП Иван Заровняев 10 тыһ. солк. сертификата туттарылынна.
Куонкурус атын кыттыылаахтарыгар “Кэрэчээнэ Куо”, “Айталы Куо”, “Мичийээнэ Куо”, “Чэмэлиинэ Куо”, “Нарыйа Куо” ааттар иҥэрилинилэр, культура управлениетын бириистэрэ туттарылыннылар.
Комментарии
Авторизация на сайте через социальные сети