ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 июня 2015, 14:36

2016 сылга хас күн сынньанарбытын дьүүллэһэллэр


РФ Үлэҕэ министиэристибэтэ 2016 сылга өрөбүл күннэри сыҕарытар туһунан уураах бырайыагын бэлэмнээтэ. Бырайыак билиҥҥитэ дьүүллэһиигэ сылдьар.

Үлэ сокуонун быһыытынан, бырааһынньык күнэ өрөбүлгэ түбэһэр буоллаҕына, сынньалаҥ күнэ чугастааҕы үлэ күнүгэр көһөрүллэр. Уопсайынан, 2016 сылга Россия олохтоохторо 29 күн өрүөхтэрэ. Ол курдук:

Саҥа дьылга тохсунньу 1 күнүттэн 10 күнүгэр диэри сынньаныахпыт. Ол эбэтэр Үлэ Кодексатын 112 ыстатыйатынан, тохсунньу 1-8 күннэрэ бырааһынньык күннэринэн ааҕыллаллар. Тохсунньу 2 уонна 3 күннэрэ субуотаҕа уонна баскыһыанньаҕа түбэһэллэринэн, сынньалаҥ күннэрэ кулун тутар 7 уонна ыам ыйын 3 күннэригэр көһөрүллүөхтэрэ.

Дойдуну көмүскээччилэр бырааһынньыктарыгар, олунньу 21-23 күннэригэр 3 күннээх сынньалаҥ күүтэр. Ол гынан баран, сынньалаҥ күннэрэ утуу-субуу буолалларын наадатыгар субуотаҕа, олунньу 20 күнүгэр үлэлиэххэ наада.

Дьахталлар аан дойдутааҕы бырааһынньыктарыгар эмиэ 4 күн субуруччу, кулун тутар 5-8 күннэригэр өрүөхпүт.

Эһиил даачалаахтары уонна айылҕаҕа тахсыан сынньаныан баҕалаахтары «өҥ» күннэр күүтэллэр. Ол курдук, Саас уонна Үлэ бырааһынныктарын өрөбүллэрэ муус устар 30-тан ыам ыйын 3 күнүгэр диэри салҕаныахтара.

Кыайыы бырааһынньыга эмиэ 3 сынньалаҥ күнү (ыам ыйын 7-9) «бэлэхтиэ».

Россия күнүгэр – бэс ыйын 11-13 күннэригэр, Норуот сомоҕолоһуутун күнүгэр сэтинньи 4-6 күннэригэр сынньаныахпыт (өрөбүллэргэ түбэһэллэринэн).

Экспертэр этэллэринэн, Россия олус элбэх сынньалаҥнаах дойдуларга киирсибэт. Холобур, Латинскай Америкаҕа үлэһит дьон өрөбүллэртэн ураты сылга 40 хонук эбии сынньалаҥ күннээх. Японияҕа уонна Соҕуруу Кореяҕа бырааһынньык күннэрэ суохтарын тэҥэ. Эбиитин уоппускаларын күнэ саамай кылгаһынан аан дойдуга биллэллэр. Оттон Европа дойдулара бырааһынньыктарын күнүнэн Россияҕа тэҥнэһэллэр.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 719 Источник: Газета "Саха Сирэ" Автор: Надежда Егорова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ