Летчик-космонавт Олег Кононенко 2011 сыллаахха ахсынньыга МКС буортугар хомуска оонньообутун аан дойду дьоно бары көрбүтэ. Бу бырайыак хантан силистэнэн тахсар диир буоллахха, космонавы кытта доҕордоһор Афанасий Ноев хомуһу космос киэҥ куйаарыгар биэрэн ыытар туһунан санаабыта. Оччолорго Афанасий Иванович “Редакция “Якутия” ААО генеральнай директорынан үлэлиирэ. Кини санаатын Хомус музейа, “Якутия” хаһыат редакцията уонна СӨ Федеративнай сыһыаннаһыыга уонна тас дойдулары кытта сибээс министерствота өйөөбүттэрэ. Оттон Олег Кононенко доҕорун идеятын ылынан, норуот маастара Револий Чемчоев 1991 сыллаахха оҥорбут хомуһун космоска илдьэ барбыта.
Международнай космическай станцияҕа космонавтар 200 күн буолан баран сиргэ кэлбиттэр. Олег Кононенка доҕотторун ыҥырыытынан сэтинньигэ Саха сиригэр ыалдьыттаабыта. Кини Хомус музейыгар, Хаҥалас улууһун оскуолаларыгар, “Ленский край” физика-математическай форумҥа, Ларионов аатынан Дьокуускайдааҕы физика-математическай лицейга сылдьыбыта, үөрэнээччилэри кытта көрсүбүтэ. Хомус күнүн үөрүүлээх аһыллыытыгар кыттыбыта, киниэхэ “Гражданскай килбиэн” бэлиэни туттарбыттара. Оттон космонавт саха сирин хомуһа космоска сылдьан кэлбитин туһунан сертификат Хомус музейыгар биэрбитэ.
Комментарии
Авторизация на сайте через социальные сети