Семинарга доруобуйа харыстабылын миниистирэ Александр Горохов, РФ национальнай медицинскэй палаататын делегата Вячеслав Александров, квалафикацияны үрдэтэр институт директора Леонид Апросимов, СӨ медицинскэй палаататын бэрэссэдээтэлэ Светлана Давыдова уонна Илин эҥэр эмп үлэһиттэрин бэрэстэбиитэллэрэ кыттыыны ыллылар. Сүрүннээн тыа сиригэр медицинскэй өҥө таһымын үрдэтии, ОМС-тан страховкалыыр хампаанньалар бэрибиэркэлэрин түмүгүнэн үлэ стратегиятын тупсарыы, эмп үлэһиттэригэр сокуону, быраабы үөрэтэр хайысханы аһыы уонна Минздравнадзор хамыыһыйатыттан туспа медицинскэй палаата экспертнэй хамыыһыйатын тэрийэр туһунан боппуруостары, этиилэри дьүүллэстилэр.
СӨ медицинскэй палаатата 2011 сылга тэриллибитэ. Онтон 2012 сылтан РФ национальнай медицинскэй палаататын састаабыгар киирэр. Медицинскэй палаата профессиональнай ассоциациялыры түмэр, нэһилиэнньэҕэ оҥоһуллар медицинскэй өҥөнү үрдүк таһымҥа таһаарар хайысхалары торумнуур уонна эмп үлэһитэ сокуон өттүнэн көмүскэллээх буолуутун хааччыйар соруктары толорор.
Комментарии
Авторизация на сайте через социальные сети