- Акция-эстафета Федоров Иван Захарович , Афанасьев Иннокентий Семенович уонна Жиркова Анна Гаврильевна дьиэ кэргэннэрин, аймахтарын көҕүлээһининэн, «1941-1945 сс. Аҕа дойду Улуу сэриитигэр кыайыы» ГБУ, «Бүлүү оройуона» МО, «Бүлүү куорат» МТ дьаһалталарын өйөөһүннэринэн ыытыллар.
- Акция-эстафетаҕа быраастан көҥүллээх ким баҕалаах барыта дьиэ кэргэнинэн, үлэлиир тэрилтэтинэн кыттыан сөп. Хамаанда чилиэннэрэ бары биир формалаах, түөскэ кэтиллэр нүөмэрдээх буолуохтаахтар уонна Аҕа дойду Улуу сэриитин кыттыылааҕын биитэр тыыл ветеранын 21,0х29,7 кээмэйдээх мэтириэтин 1,5 м уһуннаах тутар мастаан илдьэ кэлиэхтээхтэр.
- Мандат хамыыһыйата сарсыарда 10 чаастан «Оленскай» стадиоҥҥа үлэлиир. Күрэхтэһиини үөрүүлээхтик арыйыы 14 чаастан саҕаланар. Старт 14.30 чааска бэриллэр.
- Хамаанда уон киһиттэн турар: 1 этап — 60-тан үөһэ (88 миэтэрэ), 2 этап – 50-59 саастаахтар (100 миэтэрэ), 3 этап – 40-49 саастаахтар (200 миэтэрэ), 4 этап – 30-39 саастаахтар (300 миэтэрэ), 5 этап – 25-29 саастаахтар (300 миэтэрэ), 6 этап –20-24 саастаахтар (300 миэтэрэ), 7 этап –15-19 саастаахтар (400 миэтэрэ), 8 этап – 10-14 саастаахтар (100 миэтэрэ), 9 этап- 8-9 саастаахтар (100 миэтэрэ), 10 этап - 6-7 саастаахтар (100 миэтэрэ).
- Кыайыылаахтар уонна миэстэлэспит хамаандалар сүүрүүктэрэ дипломнарынан, мэтээллэринэн, кыайыылаах хамаандалар кубоктарынан наҕараадаланаллар. «Өйдүүргүт тухары - мин тыыннаахпын» акция-эстафета кыттыылаахтара бары «1941-1945 сс. Аҕа дойду Улуу сэриитигэр кыайыы» ГБУ махтал суруктарынан бэлиэтэниэхтэрэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети