Ахсынньы 11 күнүгэр өрөспүүбүлүкэ 10 бастыҥ ыала «Дьиэ кэргэн – судаарыстыба төрүтэ» девиһинэн ыытыллыбыт фестивалга кытынна. Кинилэр Өксөкүлээх Өлөксөй аатынан Норуоттар доҕордоһууларын дьиэтин сценатыгар бэйэлэрин дьиэ кэргэттэрин, ситиһиилэрин, дьоҕурдарын көрдөрдүлэр.
Быйылгы сылга өрөспүүбүлүкэ бастыҥ уонна саамай көхтөөх ыалларынан ааттаннылар:
«Куорат ыала-2015» номинация кыайыылаахтара:
- Людмила уонна Дьулустан Алексеевтар (Өлүөхүмэ улууһа);
- Татьяна Биленко уонна Сергей Шушеньков (Алдан).
«Тыа сирин ыала-2015»:
- Наталья уонна Василий Мыреевтар (Ленскэй улууһа);
- Эльза уонна Семен Макаровтар (Чурапчы улууһа).
«Көс ыал-2015»:
- Евдокия уонна Дмитрий Андреевтар (Өлөөн улууһа).
«Эппиэтинэстээх төрөппүттэр-2015»:
- Саина уонна Сергей Григорьевтар (Уус-Алдан улууһа).
«Аҕам, ийэм, мин – спортивнай дьиэ кэргэн»:
- Зоя уонна Андрей Слепцовтар (Мэҥэ-Хаҥалас улууһа);
- Христина уонна Семен Собакиннар (Чурапчы улууһа).
«Эдэр ыал-2015»
- Алла уонна Петр Максимовтар (Нам улууһа);
- Анна уонна Гаврил Нестеровтар (Таатта улууһа).
Кыайыылаах дьиэ кэргэттэри СӨ ыччат дьыалаларыгар уонна дьиэ кэргэн политикатыгар миниистирэ Афанасий Владимиров, «Россия ийэлэрэ» Бүтүн Россиятааҕы уопсастыбаннай хамсааһын регионнааҕы отделениетын бэрэссэдээтэлэ Прасковья Борисова уо.д.а. эҕэрдэлээтилэр.
Быйылгы сыл кыайыылаахтарыгар барыларыгар Саха Өрөспүүбүлүкэтин Ил Дарханын бириэмийэтэ туттарылынна.
Комментарии
Авторизация на сайте через социальные сети