ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
14 июля 2015, 11:53

«ТЫАМ СИРЭ БАРАХСАН» литературнай куонкуруска кыттыҥ!


Айар дьоҕурдаах дьон ортотугар бүгүҥҥү тыа сирин сайыннарыы, кэскилин кэҥэтии туһунан уус-уран айымньыга уонна публицистическай суруйууга куонкурус биллэрэбит.

Кэпсээн кэрэтин, сэһэн сиэдэрэйин, эдэр ыччаты тыа сиригэр олохсутарга, хамнастаах үлэнэн хааччыйарга соргулаах сүбэлэрдээх айымньылары ыыппыт ааптардар харчынан бириэмийэлэниэхтэрэ уонна кинигэлэрэ тахсыаҕа. Онон, суруйар бөрүөҕүтүн сытыылаан, санааҕытын сааһылаан, геройдаргытын сүүмэрдээн, Литература сылыгар анал күрэххэ кыттан, кыаххытын холонуҥ! Саха литературатын эйгэтигэр, баҕар, саҥа ааттар саҕыллан тахсыахтара.

photoByWidth&id=39664&width=1000   

 «ТЫАМ СИРЭ БАРАХСАН»

КУОНКУРУС БАЛАҺЫАННЬАТА 

1. УОПСАЙ БАЛАҺЫАННЬАТА 

1.1. С.А. Новгородов аатынан Саха Өрөспүүбүлүкэтин «Бичик» национальнай кинигэ кыһата, Саха сирин Суруйааччыларын Сойууhа, Саха Өрөспүүбүлүкэтин Суруйааччыларын сойууhа, Саха Өрөспүүбүлүкэтин тыатын хаһаайыстыбатын уонна аска-үөлгэ политикатын министиэристибэтэ, «Чолбон» уус-уран литературнай уонна общественнай-политическай сурунаал, «Күрүлгэн» уус-уран альманах «Саха Өрөспүүбүлүкэтигэр тыа сирин сайыннарыыга кэлим дьаһаллар тустарынан» диэн СӨ Ил Дарханын Ыйааҕын олоххо киллэриинэн сибээстээн «Тыам сирэ барахсан» диэн литературнай куонкурус биллэрэллэр. 

1.2. Куонкуруска суруйааччылар, айар дьоҕурдаах дьон (сааһыттан тутулуга суох) проза уонна публицистика жанрыгар сонун, бэчээккэ тахсыбатах айымньылара көрүллэллэр. 

2. КУОНКУРУС СЫАЛА-СОРУГА 

2.1. Тыа хаһаайыстыбатын сайыннарыы, тыа хаһаайыстыбатын өйөбүлүгэр ыытыллар государственнай политика үтүө сабыдыалын, түмүктэрин көрдөрүү. 

2.2. Тыа сиригэр олоҕу, үлэни тупсарыы, өрөспүүбүлүкэ нэһилиэнньэтин үрдүк хаачыстыбалаах, экология өттүнэн ыраас уонна сөбүгэр сыаналаах бородууктанан хааччыйыы боппуруостарын сырдатыы. 

2.3. Тыа хаһаайыстыбатын кэлимник сайыннарыыга наука ситиһиилэрин туһаммыт билиҥҥи кириисис уустук кэмигэр туруктаах кооперативтар, ородобуой общиналар, бааһынай хаһаайыстыбалар, үрдүк көрдөрүүлээх үлэ маастардарын аныгы кэм ирдэбилигэр эппиэттэһэр бастыҥ уопуттарын, кинилэр үлэни ситиһиилээхтик тэрийиигэ кистэлэҥнэрин үөрэтии, олору киэҥ эйгэҕэ таһааран олоххо киллэрии, тарҕатыы. 

2.4. Агропромышленнай комплекстар, фермерскэй хаһаайыстыбалар, тыа сирин олохтоохторун үлэлэрин-хамнастарын, олохторун-дьаһахтарын, ону сэргэ тыа сиригэр олорорго, үлэлииргэ табыгастаах усулуобуйаны тэрийиини көрдөрүү.  Тыа сирин бастыҥ үлэһит киһитин уобараһын сөргүтүү. 

2.5. Инники олохторун тыа хаһаайыстыбатын кытта ыкса сибээстиир, үлэни иһиттэн үчүгэйдик билэр, сатаан тэрийэр дьоҕурдаах саҥа эдэр дьону иитэн таһаарыы. Кинилэргэ бизнес-былааннары, грант ыларга толоруллар докумуоннары, отчуоттары сөпкө бэлэмнииргэ юристан туһалаах сүбэлэри тиэрдии. 

2.6. Айар дьоҕурдаах дьону көҕүлээһин, олохтоох ааптардар айымньыларын ааҕааччы киэҥ араҥатыгар таһаарыы. 

                        3.КУОНКУРУС УСУЛУОБУЙАТА 

3.1. Куонкуруска киирэр уус-уран айымньы уонна публицистика тыа сирин cайыннарар хайысхалаах, онно туһаайыллыбыт буолуохтаах.  

3.2. Эдэр ыччаты чөл олохтоох, сиэрдээх уонна күүстээх санаалаах буолууга иитиэхтээх, ханна да тэлэһийбэккэ, төрөөбүт дойдуларыгар олохсуйан, ситиһиилээхтик үлэлии-хамсыы сылдьалларын көрдөрүөхтээх.  

3.3. Кинигэ кыһата киирбит айымньылары, ааптар сөбүлэҥинэн, бэйэтин үлэтигэр туһанар, талан бэчээккэ таһаарар.

 

4. СҮРҮН ИРДЭБИЛЛЭР 

4.1. Куонкуруска киирэр үлэ ис хоһооно сонун, ураты, ааҕыллымтыа буолуохтаах. 

4.2. Айымньы сүрүн идеята толору буолуохтаах, итэҕэтиилээхтик арыллыахтаах. 

4.3. Ааҕааччы киэҥ араҥатыгар туһуланыахтаах. 

4.4. Рукопись көмпүүтэргэ таҥыллан, «Бичик» кинигэ кыһатыгар А4 кээмэйдээх кумааҕыга, ону таһынан диискэҕэ туттарыллар. 

4.5. Куонкуруска киирэр айымньыга ис хоһоонун билиһиннэрэр сиһилии аннотация ирдэнэр. 

5. ҮЛЭНИ КИЛЛЭРИИ БЭРЭЭДЭГЭ 

5.1. Үлэни куонкурус балаһыанньата бэчээккэ тахсыбыт күнүттэн 2016 сыл муус устар 1 күнүгэр диэри бу аадырыска күүтэбит: 677000, Дьокуускай к., Курашов аатынан уулусса, 30/1, 105 кабинет, тел. 42-20-26, 32-51-98, 702-049, e-mail: book@bichik.ru. 

5.2. Эрдэ бэчээттэммит айымньы, үлэ хос киллэриллибэт. 

5.3. Куонкуруска киирбит үлэҕэ гонорар төлөммөт, рукопись рецензияламмат уонна төннөрүллүбэт. 

5.4. Куонкурус балаһыанньатыгар сөп түбэспэт, эппиэттээбэт үлэ көрүллүбэт.

 

6. КЫАЙЫЫЛААХТАРЫ БЫҺААРЫЫ УОННА

БЭЛИЭТЭЭҺИН 

6.1. Кыайыылаахтары быһаарар Дьүүллүүр сүбэ састаабын «Бичик» кинигэ кыһатын  дириэктэрэ уонна Саха Өрөспүүбүлүкэтин Тыатын хаһаайыстыбатын уонна аска-үөлгэ политикатын миниистирэ бигэргэтэллэр.

 6.2. Бастыҥ үлэлэр 2016 сыл муус устар 1 күнүгэр диэри сүүмэрдэниэхтэрэ. Дьүүллүүр сүбэ быһаарыытын «Бичик» кинигэ кыһатын редакционнай сүбэтэ бигэргэтэр.

 6.3. Кыайыылаахтар анал Дипломунан  уонна 1-кы миэстэлээх үлэ 75000,   2-с  миэстэлээх 50000, 3-с миэстэлээх 25000, үс биһирэммит үлэ 10000 солкуобай сууммалаах  бириэмийэнэн наҕараадаланаллар. Бастыҥ үлэлэр, айымньылар «Бичик» кинигэ кыһатыгар бэчээттэнэллэр.

 6.4. Куонкурус түмүгэ  «Кыым» хаһыакка, о.д.а. сонуну киэҥник тарҕатар таһаарыылар нөҥүө иһитиннэриллэр, кыһа сайтыгар www.bichik.ruтахсар.

 

 

 

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 804 Источник: ЯСИА Автор: "Бичик" кинигэ кыһата Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ