Кинилэр Муома өрүс күүстээх сүүрүгүн таҥнары өксөйөн икки күн устата Улахан Чыыстай уонна Муома нэһилиэктэригэр киирэр «Муома» национальнай пааркатыгар,аан дойдуга аатырбыт Улахан Тарыҥ, умуллубут Балаҕан Таас вулкан сытар сирдэригэр тиийэн кэрэ айылҕалыын алтыстылар, күүс-уох ыллылар.
Сахамин Миланович оройуон активын кытта көрсөн айылҕа харыстабылыгар сыһыаннаах киэҥ кэпсэтиини ыытта, оройуон салайааччыларын ыйытыыларыгар хоруйдаата. Манна ойуур баһаарыттан сэрэхтээх буолууга, сири-уоту харыстааһыҥҥа, ураты харыстанар сирдэргэ, республикаҕа промышленноһы сайыннарыыга, о.д.а. тиэмэлэргэ кэпсэтии буолла.
Министр Муомаҕа үлэтэ Чыбааҕылаах нэһилиэгэр ураты харыстанар сири тэрийэргэ туһулунна. Чыбааҕылаах нэһилиэгин территориятыгар Индигир өрүс сүнньэ, былыргы эстибит Зашиверскай куорат, эгэлгэ кыыллаах, балыктаах сирдэр, о.д.а. киирэллэр. Бу дьыала үчүгэйдик үөрэтиллиэн, докумуона оҥоһуллуон наадата ыйылынна. Онон инникитин манна ураты харыстанар сир тэриллиэ диэн эрэл баар.
Хаартыскаларга: Улахан Тарыҥ уонна Балаҕан Таас.
Комментарии
Авторизация на сайте через социальные сети