От ыйа ардахтаах буолан, отчуттары ситэ оттоппото. Ол иһин Байды, Сиэн Күөл нэһилиэктэригэр оттооһуҥҥа бытаарыы бэлиэтэнэр, Иккис Хаҥалас нэһилиэгэ графигыттан лаппа хаалан иһэр.
Оттон Алаһыай нэһилиэгэр Алаһыай өрүс уутун таһыма үрдээн, сорох ходуһа сирдэри уу ылла. Нэһилиэккэ уу критическэй таһыма 750 см эбит буоллаҕына, билигин 707 см тэҥнэһэн турар. Онон дьон-сэргэ үрдүк сиргэ оттуурга күһэлиннэ.
Ол эрээри Алаһыай, Хатыҥнаах, Иккис Мээтис уонна Бастакы Хаҥалас нэһилиэгин отчуттара графигы тутуһан, былааннарын толорон иһэллэр.
Отчуттар биир күн дьылы аһатарын өйдөөн, Ыспааһаптар ардахтарын иннинэ үлэҕэ күргүөмнээхтик турунан үлүмнэһэн оттууллар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети