Ыһыах аһыллыытын биллиилээх олоҥхоһут, биир дойдулаахпыт Николай Баишев аал уоту алҕаан айах тутта. Түһүлгэҕэ саҥа сэргэни туруоруу сиэрэ-туома ыытылынна.
Олохтоохтор биир дойдулаахтара Павел Григорьевич Романов‒Мыланыыскай «Күн Ньургустай Куо бухатыыр» олоҥхотуттан быһа тардыыны туруорбуттара дьон-сэргэ кэрэхсэбилин ылла (режиссер - Олоҥхо дьиэтин специалиһа Ариан Пермяков). Сүрүн оруолларга Кыыс Ньургустай Куо бухатыыры Саргылаана Мохначевская, Айыы бухатыырын Роман Петухов, Абааһы Уолун Валерий Ефимов, Аан Алахчын хотуну Галина Никифорова, Ойууну Ариан Пермяков, Удаҕаны Айталина Моякунова оонньоотулар. Итиэннэ олоҥхоҕо, композицияны туруорууга Павловскай, Хара, Лоомтука, Ороссолуода, Хаптаҕай нэһилиэгин олохтоохторо кытыннылар.
Ыһыах күн олохтоохтортон Ил Түмэн Государственнай мунньах Бочуотунай грамотатынан Сардаана Борисова, Альберт Терентьев, «СР Бочуоттаах ветерана» бэлиэнэн Анна Лукина, СР Ытык Сүбэ сэбиэтин Махтал суруга Иван Ефимов, СР Тыа хаһаайыстыбатыгар министерствотын Бочуотунай грамотатынан Елена Можарова, СР Предпринимательствоҕа уонна туризмы сайыннарыыга министерствотын грамотатынан Роберт Винокуров, Махтал суругунан Дмитрий Кривогорницын, оройуон баһылыгын грамотатынан, улуус сайдыытыгар кылаатын иһин бэлиэнэн Раиса Максимова, Владимир Игнатьев, Айталина Егорова о.д.а. наҕараадаланнылар. Бу күн Дмитрий Егоров, Розалия Захарова Хаптаҕай нэһилиэгин Бочуоттаах гражданиннарынан буоллулар.
Олоҥхо ыһыаҕар үгүс куонкурустар, күрэхтэһиилэр ыытыллан көрөөччүлэр сэҥээриилэрин ыллылар.
Олоҥхону толорууга икки күн устата биллиилээх олоҥхоһуттар илин-кэлин түһүстүлэр. «Куруубай хааннаах Кулун Куллустуур» олоҥхону толорон Майаттан Аркадий Захаров Гран-при хаһаайынынан буолары ситистэ. Ходороттон Туйаара Михайлова «Кэскиллээх толорооччу», Дьокуускайтан Иннокентий Птицын «Уһун тыыннаах», Юрий Борисов «Айар талаан», Любовь Платонова «Айар дьулуур», Валентин Исаков «Дорҕоон тойуктаах», Айталын Винокуров «Тэтими тутар толорооччу», «Дьоҕур» бөлөх «Көхтөөх бөлөх», Наахараттан Иван Григорьев «Үтүө дьулуур», Амматтан Валентина Адамова «Кэрэ куолас», Лоомтукаттан Гаврил Спиридонов «Көрөөччүлэр биһирэбиллэрэ», Майаттан Айталина Моякунова «Удьуор талаан» ааттары сүктүлэр.
Оҕолорго Төхтүр орто оскуолатын үөрэнээччитэ Муся Аммосова «Күн Эрили» олоҥхоттон быһа тардыыны толорон кыайыылааҕынан таҕыста.
Иван Ефимов‒Чабырҕах Уйбаан 85 сааһыгар анаммыт «Чаҕылхайдык чаҕылыҥныыр чуопчаараахтыыр чабырҕахтар» куонкуруска Бүтэйдээх (салайааччы Анастасия Матвеева), Хаптаҕайтан «Далбардар» (Евдокия Алексеева) чабырҕахсыттар бөлөхтөрө бастыыры ситистилэр.
«Оһуохай алыптаах түһүлгэтэ» оһуохайдьыттар ортолоругар Дьокуускайтан Иннокентий Птицын, эдэрдэргэ Саргылаана Федорова бастыҥнарынан ааттаннылар.
«Оһуор-мандар ойуулаах саха таҥаһа» куонкуруска Гран-при хаһаайынынан Павловскайтан Григорий Скрыбыкин буолла. Эр дьоҥҥо Владимир Игнатьев, Петр Ефимов, Иван Ефимов, дьахталларга Валентина Федорова, Агафья Николаева, Мария Богдокумова, эдэрдэргэ Дария Михайлова, Лидия Костромыкина, Лена Варламова кыайыылаахтарынан ааттаннылар.
Эдэр кыргыттар уонна уолаттар куонкурустарыгар «Күн Долгурума» ааты Ороссолуодаттан Айталина Федорова, оттон «Күн Урбаччыма» аат хаһаайынынан Станислав Семенов буолары ситистилэр.
«Кусчуттар чээй иһэллэр» күрэхтэһиигэ Илья Васильев «Байанайдаах булчут», Аграфена Николаева «Саһыл мэйии», Туйаара Петрова «Сып-сап», Михаил Тарасов «Хоннохтоох эрдээччи» ааттары сүктүлэр.
Комментарии
Авторизация на сайте через социальные сети