Бу сүдү айымньыга анаммыт декада түмүк тэрээһининэн "Кулума" Култуура киинигэр "Олоҥхо биһигэ" диэн дьоро киэһэ буолла. Улууска саха фольклорун тарҕатааччы Александра Оконешникова тэрийиитинэн бу күн араас нүөмэрдэри көрдүбүт. Дьоро киэһэ "Чуораанчык" оҕо фольклорнай ансаамбылын толоруутугар "Саха кыыһын хоһуйуунан" арылынна. Салгыы Халыма тойуксута, фольклориһа Александра Филиппова, норуодунай театр артыыһа Максим Винокуров, „Сказка“ оҕо сайдар киинин иитээччитэ Екатерина Белоногова уонна "Туундара туллуктара-2014" көрүү лауреата, Орто Халыма куорат оскуолатын 2 "а" кылааһын үөрэнээччитэ Антон Белоногов араас олоҥхолортон быһа тардыылары иһитиннэрдилэр.
Бу күн „Дьүкээбил“ үҥкүү норуодунай ансаамбыла туруоруутугар олоҥхо персонажтарын: удаҕан, Дьөһөгөй оҕотун, кыталыктар үҥкүүлэри нкөрдүбүт. „Оһуохай“ түмсүү көмөтүнэн күнү көрсүү, алгыс сиэрин-туомун билистибит. Ону сэргэ „Спектр“ эбии үөрэхтээһин киинин муода театра сахалыы моһуоннаах аныгы таҥастары көрдөрдө.
Комментарии
Авторизация на сайте через социальные сети