Балаҕан ыйын 17 күнүгэр «Равнение на Героев» күрэх бастакынан буолла. Хас биирдии оҕоҕо тус туһунан ыйытыы бэриллэр. Оонньуу бэрээдэгинэн кыттааччы тута харда биэриэхтээх. Манна Кировскай оскуола «Сокол-2» БПК хамаандата тэҥнээҕин булбата. Иккискэ- Майа орто оскуолата «Болот» БПК, үһүскэ – Ньурбатааҕы техническэй лицей «Искра» БПК уонна Кировскай орто оскуолатын «Сокол-1»БПК хамаандалара тэҥнэстилэр.
Иккис күрэх – автоматы ыһыы уонна хомуйуу - «Оружие Победы» диэн ааттаах. Хамаанда оҕолоро бары иккис түһүмэххэ кытталлар. Тутан-хабан көрбөтех автоматтарын ыһаллар, онон уустук көрүҥ буолла. Автомыты саамай түргэнник ыспыт Майа орто оскуолатын «Болот» БПК хамаандата – 1 миэстэ, Дьокуускайдааҕы кадеттар – 2 миэстэ уонна Кировскай оскуола «Сокол-1» хамаандата - 3 миэстэ буоллулар.
Уолаттарга саамай түргэн ыһааччы-хомуйааччы аатын Никитин Радомир ылла. Кыргыттарга - Докторова Анна (иккиэн «Болот» БПК иитиллээччилэрэ).
Онон уопсай тумүккэ бастакы күн «Болот» БПК 3 ахсаанынан бастакы, иккискэ – «Сокол-2 БПК, үһүскэ – «Сокол-1» БПК иһэллэр.
Балаҕан ыйын 18 күнүгэркыттааччылар стройунан хаамыыга уонна ырыаҕа илин-кэлин түһүстүлэр. Дьокуускайдааҕы кадеттар маныаха тэҥнээхтэрин булбатылар. Иккискэ – «Болот», үһүскэ – «Сокол 1». Сокол-1 хамаанда чилиэнэ Данилова Сайаана бастыҥ хаамыы иһин аакка тигистэ. Саамай үчүгэй хамаандыырынан Дьокуускайдааҕы кадет Иванов Вячеслав ааттанна.
Иккис күрэххэ - сыалы ытыыта Дьокуускайдааҕы кадеттар бэргэн ытааччылар буоллулар. Иккискэ - «Болот», үһүс миэстэни «Сокол-1» ылла. Саамай бэргэн ытааччыларынан Никитин Радомир, кыргыттарга – Докторова Анна ааттаннылар. Иккиэн «Болот» БПК иитиллээччилэрэ.
Кировскай оскуола «Харыйа» лааҕырыгар таһырдьа аһаҕас халлаан анныгар «Полоса препятствий» уонна «Пейнтболга» күрэхтэһиилэр ыытылыннылар.
«Полоса препятствий»: Бастакы миэстэни олохтоохтор «Сокол-1» хамаанда ылла, иккискэ – Дьокуускайдааҕы кадеттар, үһүскэ - «Сокол – 2».
«Пейнтболга»: 1 миэстэ – Дьокуускайдааҕы кадеттар, иккискэ – Өкүндүтээҕи орто оскуола «Сокол» БПК хамаандата. Үһүскэ – Ньурбатааҕы Техническэй лицей.
Уопсай түмүккэ Дьокуускайдааҕы кадеттар өрөспүүбүлүкэтээҕи Х-с «Защитник Отечества» байыаннай спортивнай оонньуу муҥутуур кыайыылаахтарынан буоллулар. Иккискэ – Ф.Г. Охлопков аатынан Майа орто оскуолатын «Болот» БПК, үһүскэ – Кировскай орто оскуола «Сокол-1» БПК хамаандалара буоллулар.
Комментарии
Авторизация на сайте через социальные сети