Биһиэхэ Арыктаахха эмиэ аҥардас бюдже най тэрилтэлэр дьону-сэргэни хамнастаан олороллор. Сүөһү лаппа аҕыйаата . Бааһынай хаһаайыстыбалар уонна аҕыйах чааһынай ыал сүөһүнү туталлар. Бу элбэх оҕолоох, ынаҕынан уонна сылгынан ииттинэн олорор ыаллар. Кинилэргэ туох да көмө суох. Ыаллар хаһаайыстыбалара кырата суох, 3 — 6 ыанар ынаҕы эмиэ биир итиччэ сылгыны уонна кыра сүөһүнү ииттэллэр. Егор Дмитриевич суруйарын курдук, бааһынай хаһаайыстыбаларга тыраахтар бөҕө, көмө харчы да бэриллэн иһиллэр. Чааһынай сүөһүнү ии тэр ыаллар атын сиртэн тыраахтар ыҥыран отторун тиэйтэрэллэр, улахан ороскуокка бараллар, илилэринэн оттууллар, үүтү чэпчэки сыанаҕа туттаран харчы оҥосто сатыыллар. Үүт харчытын наһаа маҕаһыын сыанатыгар тиэрдибэккэ да буоллар, үрдэтэр сөп этэ, тоҕо диэтэххэ маҕаһыын өссө үрдэтиэ турдаҕа дии, нэһилиэнньэ атыылаһарыгар ыарахан буолуо. Маннык аҕыйах сүөһүлээх кэтэх хаһаайыстыбалары күүскэ өйөөһүнү сокуонунан киллэриэххэ наада, сылгыга эмиэ ити туһунан туспа сокуон наада. Бу кэмнэргэ Арассыыйа бырабыыталыстыбата кэтэх хаһаайыстыба сүөһүтүн уонна көтөрүн ахсаанын хаарчахтыыр сокуону ылынаары бэлэмнэнэр эбит. Маны Александр Уаров, Ил Түмэн депутата сыыһанан ааҕар, кырдьыга да оннук. Билигин чааһынай хаһаайыстыба сайдан эрэр кэмигэр ити олох сыыһа буолуо. Тыаларга куурусса, сибиинньэ иитиитэ сайдар кэскиллээх. “Саха си рин тыатын хаһаайыстыбатын сайдыытын туһунан” сокуон тахса ра чугаһаата, он он сөптөөх сокуон тахсарын күүтэбит.
12+
Комментарии
Авторизация на сайте через социальные сети