Сокуон барыла эрдэ нэһилиэктэргэ тиксэриллэн бааһынай хаһаайыстыбалар салайааччылара, биирдиилээн хаһаайыстыбалар билсэ сатаабыттар. Ол эрээри кыстыкка киирии, сүөһүнү көрдөөһүн кэмэ буолан дьүүллэһиигэ кыттар киһи элбэҕэ суох. Арыылаах, Сылаҥ, Болтоҥо, Чакыр нэһилиэктэригэр киирбит этиилэр:
1.Сири сөптөөхтүк туттубат, сүөһүтэ, сылгыта суох буолан баран арендалаан харчыланар дьоннортон төттөрү ылыахха. Элбэх сүөһүлээхтэргэ, тыа хаһаайыстыбатын үлэлэринэн дьарыктаныыны саҥа саҕалыыр фермердэргэ аныырга. (Бары нэһилиэктэргэ).
2. Сокуон барыла уопсай тылларынан суруллубут. Бэчээккэ тахсыбата. „Саха сирэ“ хаһыакка таһаарыахха наада. Аанньа билбэккэ олорон дьүүллэһэбит. (Т. Ф. Седалищева—Болтоҥо).
3. 25-тэн үөһээ сүөһүлээххэ, 30-тан тахса субан сүөһүлээххэ хамнас төлүөххэ. Элбэх сокуон, программа ылыллар эрээри туолуута хонтуруоламмат, олоххо киириитэ мөлтөх. (М. И. Монастырева—Болтоҥо).
4. Нэһилиэктэринэн эти, үүтү переработкалыыр собуоттар наадалар (М. Н. Ефремов—Болтоҥо).
5. Тыа хаһаайыстыбатынан дьарыктанааччылары нолуоктан босхолуохха, эбэтэр аччатыахха (М. В. Пдатонова—Болтоҥо).
6. 10-тан ордук биэни иитээччилэргэ государственнай өйөбүл наада, тыа хаһаайыстыбатын үбүлээһиҥҥэ бюджеттан сыллата 30 бырыһыаны көрүөххэ (Д. И. Захаров—Арыылаах).
7. Үүт, эт тутуллар сыаната атыыланар табаар сыаната үрдээһинин кытары тэҥҥэ улаатарын ситиһиэххэ (И. И. Барашков—Арыылаах).
8. 15 сыл сүөһү, сылгы көрүүтүгэр үлэлээбиттэргэ анал пособие көрүөххэ, нэһилиэк 2000 сүөһүлээх буоллаҕына бюджетыгар эбии үп көрүөххэ, саха сылгытыгар сыһыаннаах анал сокуон таһаарыахха.
9. Сүөһү, сылгы иитэр дьон социальнай харысхаллаах буолууларын ситиһиэххэ (В. Д. Макаров—Сылаҥ).
10. Илин Уһук региоҥҥа сири атыылааһыҥҥа көҥүл бэриллэр буолла. Саха сирин олохтоохторун сирдэрин көмүскүүллэригэр сокуоҥҥа анал ыстатыйа наада (Н. Н. Адамов—Чакыр).
11. Тыа хаһаайыстыбатын специальностарыгар үөрэҕи бүтэрэн үлэлии тахсааччыларга өйөбүл наада (М. А. Васильева—Чакыр).
Этиилэр үөһээ этиллибит нэһилиэктэргэ ыытыллыбыт мунньахтар боротокуолларыттан ылылыннылар. Сорох нэһилиэктэртэн этиилэр ыытыллыахтара.
Комментарии
Авторизация на сайте через социальные сети