ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

На карте

16 октября 2015, 11:25

Кэтэх хаһаайыстыбалары өйүөххэ


Өрөспүүбүлүкэ үрдүнэн “Саха Өрөспүүбүлүкэтигэр тыа хаһаайыстыбатын сайыннарыы туһунан” сокуон бырайыагын дьүүллэһии киэҥник бара турарын туһунан хаһыаттан ааҕан, араадьыйанан истэн, телевизорынан көрөн билэбит.

Бу сокуон тыа сирин үлэһит тэ рин инники олохторугар дьоһун суолталааҕын быһыытынан, Ил Дархаммыт Егор Борисов сокуон бырайыагын дьүүллэһиини бэйэтинэн көҕүлээтэ, ол курдук улуустарга сырыыларын кэмигэр нэһилиэнньэни кытта көрсүһүүлэригэр туох-ханнык иннинэ ити сокуон тула кэпсэтэр, дьон санаатын ис тэр. Сокуон бырайыага сотору Ил Түмэн депутаттарын көрүүтү гэр киириэхтээх. Урут Саха сиригэр тыа хаһаайыстыбатын сайыннарыы туһунан анал сокуон суоҕа, туспа салаалар, холобура таба уонна сылгы иитиитин туһунан сокуоннар, араас нормативнай-правовой аакталар, бырабы ыталыстыба дьаһаллара уо.д.а. бааллара. Сокуон итилэртэн өр сылларга дьайарынан уонна толоруллара эбэһээтэлинэйинэн уратылаах. Бу тыа хаһаайыстыбатын үлэһит тэрэ сыл ахсын оннук-м аннык уларыйыы тахсыа диэн кэтэспэккэ-манаспакка инникигэ эрэллээхтик үлэлииллэригэр, сокуоҥҥа суруллубуту толорууну ирдиллэригэр туһалаах буолуоҕа. Мин санаабар, тыа хаһаайыстыбатын сайыннарыы сокуона, бастатан туран, төрүт олохтоох норуоттар үгэс буолбут  дьарыктарын чөлүнэн тутан хаалларыыга туһуланы ахтаах. Ол нөҥ үө тыа сирин олохтоохторун олохторун уйутун тупсарыы, кинилэр төрөөбүт-үөскээбит алаастарыгар олохсуйуулара ситиһиллиэхтээх.

photoByWidth&id=47180&width=1000

Билигин тыа сирин нэһилиэнньэлээх пууннарыгар үксүлэригэр аҕыйах бюдженай тэрилтэлэртэн ураты, дьону хамнастаах үлэнэн хааччыйар тэрилтэлэр суохтар уонна инникитин да баар буолаллара саарбах. Оччотугар үгүс дьоҥҥо сүөһү тутан аһыыр-таҥнар, оҕолорун иитэр-үөрэттэрэр суол эрэ хаалар. Оттон биһиги курдук тыйыс айы лҕалаах сиргэ сүөһү иитиитэ хаһан баҕарар ночооттооҕо, барсы биэрбэтэ учуонайдарынан да, дьиҥ олоҕунан да дакаастанан турар. Оччотугар дьон билиҥҥи курдук үүттэрин маҕаһыын сыанатыттан икки бүк чэпчэки сыанаҕа туттаран олохторун уйгутун хаһан да тупсарыах тара суоҕа. Кырдьык тыа үлэһит  дьонун туһугар кыһаллар буоллахха, үүт туттарыллар сыанатын кырата 60-70 солк. олохтуохха, о.э. маҕаһыын сыанатын кы тта тэҥниэххэ наада. Ү п-харчы тиийбэт буоллаҕына, атын өйөбүл көрүҥнэриттэн сороҕун тохтотуохха сөп. Билигин бааһынай хаһаайыстыбаларын өйүүр бэлиитикэ бара турар, үп-харчы үксэ кинилэргэ “кутуллар”. Дьиҥэр нэһилиэккэ баар биир-икки ыалы байытан, тыа сирин дьонун баһыйар үксү лэрин олохторун тупсарбаккын. Нэһилиэктэргэ ыал үксэ 1-3 ынаҕы туталлар, баҕарбыттарын да иһин элбэтэр кыахтара суох. Үүт сыанатын үрдэтэн уонна төрүүр сүөһү төбөтүгэр субсидия көрөн, бу маннык аҕыйах сүөһү лээх кэтэх хаһаайыстыбалары күүскэ өйөөһүнү сокуонунан киллэриэххэ диэн этиилээхпин. Дьон интэриэстээх буоллахтарына, сүөһүлэрин ахсаанын да элбэтиэхтэрэ, оҥорон таһаарар бородууксуйаларын да улаатыннарыахтара.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 747 Источник: ЯСИА Автор: Егор Захаров Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ