П.С.Самсонов: "Сокуон бырайыагын "Тыа хаҺаайыстыбатын тутан олоруу технологиятын хааччыйыы" диэн 15с ыстатыйатыгар ветеринария толорор өҥөлөрүн тарыыптарын туҺунан суруллубатах. Ветеринарнай сулууспа үлэҺиттэрэ судаарыстыба сорудахтарын толороллор, судаарыстыбаттан субсидия ылаллар, ол эрээри нэҺилиэнньэҕэ оҥорор өҥөлөрүгэр сыаналара тоҕо үрдээн иҺиэхтээҕий? Ынахтан 10-нуу күн буола-буола ылыллар анаалыс баар, төлөбүрдээх. Хотоҥҥо киирэн таҕыстылар даҕаны, харчы көрдүүллэр. Àны 1 сүөҺүнү өлөрөргө 900 солк. суумалаах анаалыс оҥоҺуллар. Мантыҥ элбэх сүөҺүлээх улахан хаҺаайыстыбаҕа мунньуллан элбээн тахсар. Холобура, Роспотребнадзор ханна даҕаны сылдьан бэрэбиэркэлээбитин иҺин, харчы көрдөөбөт. Àнаалыс оҥорор эрэ буоллаҕына, харчы ылар. Ыалдьыбыт киҺи бырааска босхо көрдөрүнэр. Син эмиэ ол кэриэтэ, нэҺилиэнньэҕэ, үүт туттарар дьоҥҥо табыгастаах буоларын курдук, судаарыстыба сорудахтарын толоруу үлэлэрин босхо гынар туҺунан бу сокуон бырайыагар киллэрэн биэриэххэ. Өҥө барыта төлөбүрдээх буолуо суохтаах. "Саха Өрөспүүбүлүкэтигэр тыа хаҺаайыстыбатын сайдыытын туҺунан" СӨ Сокуонун бырайыагар манна сааҺыламмыт, чопчу этиини киллэрэр наадатыгар, Саха Өрөспүүбүлүкэтин "Ветеринария туҺунан" сокуонун ылан үөрэтэн көрүөххэ". С.В.Иванов: "Элбэх сүөҺүлээх, улахан хотонноох хаҺаайыстыбалар уот харчытын төлөбүрүгэр, кыҺын хотоҥҥо турар сүөҺүтүн уулаталларыгар даҕаны улахан ороскуоту көрсөллөр. 50-ҥа тиийбэт, аҕыйах сүөҺүлээх хаҺаайыстыбалар сүөҺүлэрин кыс устата кыҺалҕата суох ойбонтон уулатан туорууллар. Онтон сүүҺүнэн сүөҺүлээх хаҺаайыстыба буоллаҕына, оннук уулатар кыаллыбат. Хотоҥҥо уулатар ордук. Ол эрээри бу улахан ороскуоттаах. Холобура, 180-ча сүөҺүлээх хаҺаайыстыба сүөҺүлэрин зоотехническай нуорманы тутуҺуннаран, ынахха 40-нуу л биэрэр буоллахха, күнүн аайы 2 водовоз уу кутуллуон наада. Ити харчытыгар таҺаардахха, 6000 солк. Àҥардас сүөҺүлэри уулатарга эрэ. Ыйга төҺө буоларын суоттаан көрүҥ. Ол иҺин сокуон бырайыагын "Тыа хаҺаайыстыбатын ресурсанан хааччыйыы" диэн 16 ыстатыйаҕа 5-с пуунунан "энергоресурсаларга, оттукка уонна уунан хааччыйыыга чэпчэтиилээх тарыыптары олохтооҺун" диэн саҥа пуун киирэрин туруорсабыт". À.И.Эверстов: “Сокуон бырайыагын 16-с ыстатыйатыгар "Основными направлениями государственной поддержки привлечения инвестиций в сельское хозяйство являются" диэн 4-с пуунугар 1) поддержка реализации комплексных проектов в области сельского хозяйства в рамках формирования территориальных агрокластеров" дэммит. Ньурба улууҺун Чаппанда нэҺилиэгэр Саалтааныга сүөҺү иитиитин комплексын тутарга туруорсуу оҥоҺуллубута. Ол эрээри ити быҺаарыллыбат турукка киирдэ. Дэриэбинэттэн тэйиччи, үлэлиэн баҕалаах дьону булар да уустук. БиҺиги улуустан федеральнай бырагыраамаҕа киирсэн, үбүлээҺин ылыах сөптөөх бырайыактаахпыт. Бу - Октябрьскай нэҺилиэгин "Лэппириэн" саҥа микрооройуона. Сокуон бырайыагар этии быҺыытынан киллэрэн, үбүлээҺиҥҥэ, көмөҕө тиксэрин курдук усулуобуйатын оҥорон, чиҥэтэн биэриэххэ". ҮөҺэ этиллэр "Основными направлениями государственной поддержки привлечения инвестиций в сельское хозяйство являются" диэн 4-с пууну 1) поддержка реализации комплексных проектов в области сельского хозяйства в рамках формирования территориальных агрокластеров и компактная комплексная застройка сельских территорий" диэххэ”.