Бу түмүгэр РФ үпкэ министиэристибэтин бэрэстэбиитэлин Сергей Барсуковы бэрэссэдээтэлинэн, кини солбуйааччытынан Саха сирин премьер-миниистирин Галина Данчикованы таллылар.
Итини таһынан кэмитиэт 2015-2016 сыллааҕы үлэтин былаанын оҥордулар, «АЛРОСА» сайдыытын 2023 сылга диэри уһун болдьохтоох быраграаматын олоххо киллэриигэ анаммыт аудит түмүктэринэн ылыныллыбыт этиилэри бигэргэттилэр.
Итини таһынан мунньах кыттыылаахтара «АЛРОСА» АК олорор, коммунальнай комплекстарын реформалааһын боппуруостарын, о.д.а. дьүүллэстилэр.
Сорох боппуруостары эрдэттэн ырытан, быһаарыылары ылынан, Кэтээн көрөр сэбиэт үлэтин хаачыстыбатын тупсарыыга уонна көдьүүһүн улаатыннарыыга кэмитиэт үлэтин сыала-соруга туһаайыллар.
Эмиэ бу мунньах ыытылларын саҕана «АЛРОСА» АК Кэтээн көрөр сэбиэтин иһинэн үлэлиир аудит кэмитиэтин мунньаҕа буолла. Кэмитиэт бэрэссэдээтэлинэн “Өрөспүүбүлүкэтээҕи инвестиционнай компания” ААО генеральнай дириэктэрэ Петр Алексеевы таллылар.
Балаҕан ыйын 8 күнүгэр каадыр уонна наҕараадалааһын кэмитиэтин мунньаҕа ыытыллыахтаах. Ити кэмитиэт бэрэссэдээтэлинэн баҕар, «СӨ стратегическэй чинчиийлэрин киинин» салайааччыта Валентина Кондратьева буолуон сөп.
Егор Борисов «АЛРОСА» АК Кэтээн көрөр сэбиэтин бэрэссэдээтэлин бастакы солбуйааччыта буоларын санатан ааһар оруннаах.
Комментарии
Авторизация на сайте через социальные сети