Ааспыт сылга Петр Наумов икки түһүмэхтээх марафонун Улуу Кыайыы 70 сылыгар анаабыта уонна дьоруой-куораттарынан сүүрбүтэ. Кини 2014 сыллааҕы сүүрүүтүн хайысхата Ильмень күөл – Ржев – Москва – Тула – Воронеж – Ростов-на-Дону - Анапа - Новороссийскай – Керчь – Севастополь хайысханан салаллыбыта.
Сүүрүү кэмигэр кини бойобуой албан ааттаах миэстэлэргэ элбэхтэ сылдьыбыта, ыччаты, бэтэрээннэри кытта көрсүбүтэ. Кини сууккаҕа 9-10 чаас сүүрэрэ, ити быһа холуйан 50 км. тэҥнэһэр.
2015 сыл кулун тутарыттан кини Улуу Кыайыы 70 сылыгар анаммыт сүүрүү иккис түһүмэҕэ саҕаламмыта. Мииринэйтэн саҕаламмыт марафон ыам ыйын 7 күнүгэр Дьокуускайга «Журавли над Ильменем» мемориальнай-комплекска түмүктэммитэ.
Петр Наумов Мииринэй – Сунтаар – Нюрба – Үөһээ-Бүлүү –Бүлүү хайысханан сүүрбүтэ. Сүүрүү уопсай уһуна 1050 тахса км. тэҥнэспитэ. Нэһилиэнньэлээх пууннарга дьон-сэргэ кинини олус истиҥник көрсүбүтэ. Петр Семенович Улуу Кыайыыны уһаныбыт буойуттарга анаммыт пааматынньыктарга өйдөбүнньүк веноктарын уурбута.
Петр Наумовы Дьокуускай куорат Уопасастыбыннай балаатата РФ Уопасастыбаннай балаатата иилээн-саҕалаан ыытар “Я - гражданин” аакка киллэрдэ.
Комментарии
Авторизация на сайте через социальные сети