ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
15 сентября 2015, 15:12

Үөһээ Дьааҥы улууһун кыһалҕаларын бырабыыталыстыба таһымыгар дьүүллэстилэр


Саха сирин баһылыга Егор Борисов салайааччылаах бырабыыталыстыба делегацията бу күннэргэ Үөһээ-Дьааҥы улууһугар үлэтэ Улахан – Күөл олохтоохторун кытта көрсүһүүттэн саҕаланна.

Куруук буоларын курдук, бырабыыталыстыба делегациятын састаабыгар киирбит миниистирдэр тустаах тэрилтэлэргэ сылдьан үлэни, баар кыһылҕалары билистилэр. Үөскээбит кыһалҕалартан тахсар хайысхалары толкуйдаатылар, инники  үлэ былаанын торумнаатылар.

«Баатаҕайга 140 миэстэлээх, оҕо садын тутуу эһиил саҕаланыаҕа. Оттон Үөһээ Дьааҥыга 98 миэстэлээх оҕо саада 2017 сылтан тутуллуоҕа. Маннык үлэ ыытыллара түбэһиэхчэ буолбатах, Баатаҕайга оҕо төрөөһүнэ элбии турар”, – диэн СИА-ҕа үөрэх миниистирэ Феодосия Габышева эттэ.  

Кини бэлиэтииринэн, государственнай бырагырааманы олоххо киллэрии чэрчитинэн кэлиҥҥи сылларга улууска таас оскуолалар тутуллубуттар. Ол курдук, Баатаҕайга 275, Үөһээ Дьааҥыга 200 уонна Боруулах сэлиэнньэтигэр 165 миэстэлээх үөрэх кыһалара баар буолбуттар.

Доруобуйа харыстабылын миниистирэ Александр Горохов улуустааҕы киин былыыһа материальнай-техническэй хааччыллыыта олус мөлтөҕүн бэлиэтээн эттэ. “Чуолаан терапия отделениета быстар мөлтөх туруктаммыт. Онон өрөспүүбүлүкэ бырабыыталыстыбата саҥа балыыһаны тутар туһунан быһаарда. Былаан быһыытынан тутуу 2016 сылтан ыла саҕаланыаҕа уонна 2018 сылга түмүктэниэҕэ ”, - диэтэ миниистир. Итиниэхэ үүнэр көлүөнэ фондатыттан 300-тэн тахса мөл.солк. ананыаҕа.

Күн иккис аҥарыгар Егор Борисов эһиил ыытыллар Олоҥхо Ыһыаҕар бэлэмнэниигэ анаммыт мунньаҕы ыытта.

 

     

 

 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 743 Источник: ЯСИА Автор: Полина Николаева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ