ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 ноября 2015, 14:31

Суор Уола саҥа кинигэтэ күн сирин көрдө

Ааҕааччыларга Суор Уола псевдонимынан биллэр Валерий Никифоров «Сүгэһэр» диэн сэһэнин «Сайдам» издательство бэчээттээн таһаарда.

photoByWidth&id=50158&width=1000

Валерий Никифоров 1984 с. Исидор Барахов аатынан орто оскуоланы бүтэрэн, 1985-1987 сс. Сэбиэскэй Армия кэккэтигэр сулууспалаабыта. Билигин Дьокуускайга олорор, «Комдрагмет» тэрилтэҕэ алмааһы кырыылааччынан үлэлиир. Үлэтин быыһыгар айар үлэнэн утумнаахтык дьарыктанан, киһи «сык» гынар тэттик кэпсээннэрин, дириҥ ис хоһоонноох сэһэннэри суруйан ааҕааччы сэҥээриитин ылар. Ааптар кэпсээннэрэ сюжеттарынан, эр киһи майгыта-сигилитэ, олоҕу көрүүтэ кырдьыктаахтык бэриллэринэн уратылаахтар.

photoByWidth&id=50159&width=1000

«Сүгэһэр» сэһэҥҥэ эйэлээх олох кэмигэр Афганистан, Чечня сэриилэригэр Уйбаан Сидоров уонна кини саастыылаахтара эдэркээн уолаттар киһи дуу, кии дуу буолар күннэрэ-дьыллара тиийэн кэлэр. Ким кими кытта сэриилэһэрэ өйдөммөт история кэрчик кэмин дьоруойдарын олохторо киһи эрэ дууһатын аймыах кэпсэнэр.

«Ыар сэрииттэн тапталлаах кэргэни, ийэни-аҕаны, бүтүн аймаҕы сүтэрии аны хатыламматар ханнык», – диэн санааны хас биирдии ааҕааччыга тириэрдэр сонун сэһэн кинигэ Дьокуускай куорат киоскаларыгар атыыга таҕыста.

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 952 Источник: ЯСИА Автор: Надежда Егорова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ