ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
28 октября 2015, 13:44

«Двигатель Жизни» автоквестка эдэр суоппардар илин-кэлин түһүстүлэр


Ньурбаҕа суоппар күнүн көрсө иккис сылын эдэр суоппардарга аналлаах «Двигатель Жизни» диэн күрэх ыытыллар. «Двигатель жизни» бырайыагы Ньурбатааҕы культура уонна норуот айымньытын управлениетын исписсэлииһэ Айталина Камилова былырыын көмүскээн грант сүүйэн тэрийбитэ. Өскөтө былырыын күрэстэһии эстафеталаах, сүүүрүүлээх-көтүүлээх спортивнай курэс курдук эбит буоллаҕына, быйыл ыччакка киэҥник биллэр «Автоквест» форманан ыытылынна.

Автоквестка түөртүү киһилээх уопсайа 11 хамаанда кыттыыны ылла, кыттааччылар Ленин болуоссатыттан сорудах ылан баран тимир көлөлөрүнэн түүҥҥү  Ньурба куорат устун илин – кэлин түһүстүлэр.

photoByWidth&id=48131&width=1000

Түүҥҥү Ньурба устун сылдьан хамаандалар араас ис хоһоонноох сорудахтары толордулар, ГАИ инспекциятыгар суол быраабылатын билиигэ тест туттардылар. Күрэстэһии иккис күнүгэр кыттааччыларга анаан дрифт,  техника быыстапката тэрилиннэ.  Автоквест түмүгүнэн кыайыылаахтарынан, итиэннэ көһө сылдьар кубогы «АЛРОСА Нюрба» эдэр суоппардарын хамаандата ылла.

photoByWidth&id=48132&width=1000

        «Двигатель Жизни» бырайыак сүрүн сыала ыччаты көххө угуйуу, суолга сэрэхтээх буолууну, итиэннэ суол быраабылатын тутуһууга туһаайыллар.  Бу күн  Ньурба эдэр суоппардара идэлээх бырааһынньыктарын бэрт туһалаахтык бэлиэтээтилэр. Түмүккэ, эһиилги автоквестка көһө сылдьар кубок иһин элбэх хамаанда киирсэр былааннааҕын биллэрдэ. 

photoByWidth&id=48133&width=1000

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 669 Источник: ЯСИА Автор: Роман Саввинов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ