ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
14 июля 2015, 16:03

Сылгы иитэр хаһаайыстыбаҕа


Улуус тыатын хаһаайыстыбатын управлениетын специалиһэ Грета Шаталина биэрбит көрдөрүүтүнэн, Томпо оройуонун бары хаһаайыстыбаларыгар сыл бастакы аҥарыгар 2862 сылгы, ол иһигэр 1173 биэ баар. Саҥа төрүөх 882 кулун. Өскөтүн хаһаайыстыбалар көрүҥнэринэн ыллахха, тыа хаһаайыстыбатын тэрилтэлэригэр 239 сылгы, ол иһигэр 94 биэ, бааһынай хаһаайыстыбаларга - 1684 сылгы, ол иһигэр 721 биэ, нэһилиэнньэҕэ - 651 сылгы, ол иһигэр 255 биэ, кооперативтарга - 288 сылгы, ол иһигэр 103 биэ бааллар.

Сылгы иитиитинэн үгэс быһыытынан Байаҕантай, Мэҥэ Алдан, Саһыл, Охотскай Перевоз уонна онноооҕор таба иитэр Томпо эбээн нэһилиэктэригэр дьарыктаналлар.

2014 с. республикатааҕы куонкурус түмүгүнэн бастыҥ сылгыһытынан Байаҕантай нэһилиэгин Кириэс Халдьаайы с. "Сыыдам" ТХПК сылгыһыта Анатолий Мандаров ааттаммыта. Кооперативка 2015 с. тохсунньу 1 күнүнээҕинэн 172 сылгы, ол иһигэр 92 биэ бааллар. Саҥа төрүөх дьыалабыай тахсыыта 2013 с. кытта тэҥнээтэххэ 9%-нан улаатта уонна 91, 3%-ҥа тэҥнэстэ.

Атын сылгыһыттар эмиэ үчүгэйдик үлэлииллэр. Мэҥэ Алдан нэһилиэгэр Альберт Неймохов урукку өртүгэр фермаҕа сайын бостуугунан, кыһын хачыгаарынан үлэлиирэ, онтон сылгыһыттаабыта. 2006 с. сылгы хаһаайыстыбата тэриммитэ. Бастаан "Сайылык" кооперативы салайбыта, билигин "Саҥа олох" бааһынай хаһаайыстыбатын салайар. Кини бэйэтэ бас билэр сылгытын үөрүгэр 40-ча сылгы баар, ол иһигэр 7 атыыр, 4 ат. Ону таһынан дьон сылгытын көрөр. Онон уопсайа 100-тэн тахса төбөлөөх. Альберт этэринэн, кэлин икки сыл сылгыга үчүгэй буолла, ол иһин төрүөҕэ үчүгэй - 85% курдук.

Киниэхэ үлэтигэр доҕотторо Егор Попов, Николай Яковлев, Александр Кривошапкин, Василий Захаров уо.д.а. көмөлөһөллөр. Сайынын бары бииргэ оттууллар, ааспыт сыллаахха 80-ча т оту бэлэмнээбиттэрэ. Оттуур сирдэрэ урукку сопхуос бааһыналара, онон көнө ньуурдаах, бадараана суох сир, техниканы туһаналлар. Ааспыт кыһын сылгы хаһыыта үчүгэй этэ, онон от элбэх ордубута. Доҕотторо үөр сылгыны көрүүгэ эмиэ көмөлөһөллөр. «Кинилэр өйүүр буоланнар,үлэ барар, улахан ыарахаттар суохтар», - диэн Альберт этэр. Сылгыларын көрдөрө биэрэр олохтоохтор хайдах сатанарынан төлөһөллөр: сорохтор харчынан, сорохтор тугу эрэ атастаһаллар, сорохтор үлэтигэр көмөлөһөллөр.

2008 с. хаһаайыстыба база тутуутугар үбүнэн өйөбүлү ылбыта. Ол үпкэ "Дабаччымаҕа" дьиэ, күрүө туппуттара. Альберт саас биэ төрүүр кэмигэр уонна сайын биэ ыыр кэмҥэ онно олорор. Кини 6-ыс сылын биэ үүтүттэн дьиҥнээх кымыһы оҥоророр.

photoByWidth&id=39701&width=1000

Бу үлэ чахчы ыарахан, элбэх бириэмэни, күүһү уонна тулууру эрэйэр. Альберт сарсыарда 4 чааска туран кулуннарын ийэлэриттэн араарар уонна анал хааччахха киллэрэр. Хайаан да эбиэс биэрэн аһатар, ол кэриэтин ыабатах ордук, үүт киирбэт диир. Биэни ыаһын ынаҕы ыырдааҕар уустуктардаах, мөхсүбэтиннэр, тэбиэлэммэтиннэр диэн кыараҕас хааччахха туруоран куопсукка ыыр. Дьэ итинник күн ахсын күҥҥэ иккилии чаас буола-буола уопсайа 5-тэ ыыр. Биэ үүтэ уонна дьиҥнээх кымыс ынах үүтүнээҕэр туһата улахан. Альберт бу утаҕы урут сылгы иҥиирин туттан көөнньөрөллөрүн истэр эбит, онтон бэйэтэ оҥорон көрбүтүгэр табыллыбыт. Онон кымыһын былыргылыы астыыр, ол ураты састаабы биэрэр.

Сүрүн дохуот убаһа этин атыылааһынтан киирэр. Сыл ахсын төрүөҕүн улахан аҥаарын өлөрөр, бэйэтигэр аҕыйах төбөнү хаалларар. Баҕалаахтар убаһалары туруору тыыннаахтыы эбэтэр этин сөп буоларынан көрөн атыылаһаллар.

photoByWidth&id=39702&width=1000

Бу хаһаайыстыба быйыл 92 тыһ. 628 солк. уопсай суумалаах субсидия ылбыт. Ол иһигэр СР тыатын хаһаайыстыбатын Министерствотыттан 19 126 солк. уонна Федеральнай бюджеттан 73 501 солк. ылбыт. Атын көмө суох. Альберт Иванович: "Кэлэр өттүгэр Грант ыларга кыттыбыт киһи",-диир. 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 789 Источник: ЯСИА Автор: Евдокия Неустроева Подписаться на обновления

Комментарии Добавить комментарий

jackson jackson 25 мая 2024, 22:36 Ответить
0
MTZaro: Your ally in the fight against eat and run incidents. 먹튀사이트
Вы не можете оставить комментарий, пока не войдете в систему. Вход / Регистрация
12235 dhdgs 30 мая 2024, 19:40 Ответить
0
Get in on the action at BAKAR77 – the premier online slot site in Indonesia for 2024. Your jackpot is just a spin away! https://anisharamakrishna.io/
Вы не можете оставить комментарий, пока не войдете в систему. Вход / Регистрация
Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ