- Ол курдук, Сунтаар улууһуттан «Кыһыылаах кыраһаапчыктар» (Сунтаар 1 №-дээх оскуолата), «Саха кавказтара» (Кэмпэндээйи орто оскуолата), Бүлүү улууһуттан «Саха ньээшкэлэрэ» (Халбаакы орто оскуолата), «Олоҥхо оҕолоро» (Тылгыны хамаандата), Ньурба улууһуттан «Лэппэйбит лэппиэскэлэр» (Ньурбачаан хамаандата), «Ыстапаан сиэннэрэ» (1 №-дээх орто оскуола) уонна биһиги улуустан «Ыччуу-ычча», «Уол да уол» (М.А.Алексеев аатынан лицей-интернат) хамаандалар оонньоотулар.
- Куонкурус түөрт түһүмэҕинэн ыытылынна. Хамаандалар бэйэлэрин билиһиннэрдилэр, 15 көрүдьүөстээх биатлоҥҥа кытыннылар, көрдөөх ырыа ыллаатылар уонна «Киинэтэ устуохха!» тиэмэҕэ «СТЭМ» буолла. Бу түһүмэхтэри Дьокуускай куораттан кэлбит ыалдьыттар – «Саха КВН лигатын» бэрэссэдээтэлин солбуйааччы Иван Филиппов, КВН-ҥа сөбүлээн оонньуур эдэр ыччат Айаан Винокуров, Айаан Семенов, Вячеслав Жирков уонна Василий Марков сыаналаатылар. М.А.Алексеев аатынан лицей-интернат саха тылын, литературатын учуутала, «Модьулар» хамаанда өр сыллааҕы салайааччыта Татьяна Никифорова эмиэ дьүүллүүр сүбэҕэ киирэн үлэлээтэ.
- Түмүккэ, үһүс миэстэни Ньурбаттан «Ыстапаан сиэннэрэ», иккиһи Сунтаартан «Кыһыылаах кыраһаапчыктар» хамаандалар ыллылар. Бастакы бочуоттаах миэстэни «Ыччуу-ычча» Үөһээ Бүлүү улууһун хомуур хамаандата ылан көһө сылдьар кубогынан наҕараадаланна уонна республикатааҕы «Саха – КВН» куонкуруһугар кыттар чиэскэ тигистэ. Салгыы анал ааттары туттардылар – «Мисс-КВН» ааты М.А.Алексеев аатынан лицей-интернат үөрэнээччитигэр Марианна Петроваҕа биэрдилэр. Оттон «Мистер-КВН» ааты Бүлүүттэн Дима Дмитриев ылла.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети