Бүгүн, ахсынньы 1 күнүгэр, «Кыһын Саха сириттэн саҕаланар» Бүтүн Арассыыйатааҕы бэстибээл чэрчитинэн Орджоникидзе болуоссатыгар киэһэ 16-00 чаастан дойдуга маҥнайгы елка уотун үөрүүлээхтик уматыы туома буолар.
Үгэс буолбут тэрээһиҥҥэ Великэй Устюгтан Тымныы Оҕонньор, татаардар Тымныы Оҕонньордоро — Кыш Бабай уонна Чысхаан, Кырыа Кыһын Кырасаабысса, остуоруйа дьоруойдара кыттыыны ылыахтара.
Манна Чысхаан Тымныы Оҕонньорго дойду үрдүнэн кырыа кыһын сатыылаабытын кэриһилээн Тымныы бэлиэтин туттарыыта буолуоҕа. Онтон Тымныы оҕонньор оҕолору уонна остуоруйа дойдутун дьоруойдарын кытта Елка уотун уматыаҕа.
Эмиэ бүгүн киэһэ 17-00 чаастан Ленин болуоссатыгар Саҥа дьыллааҕы елка уоттара тырымныы умайыахтара.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети