Сэтинньи 14 күнүгэр «Чистая вода - ЕРМАГЫ» үлэҕэ киллэрии үөрүүлээх сиэрэ-туома буолла. Онно оборудованиены атыылаһыыга, Архангельскай куораттан аҕалыыга көмөлөспүт «Нижне-Ленское» ААУо генеральнай директора, Ил Түмэн депутата Иван Иванович Андреев, «Алмазы Анабара» ААУо генеральнай директора Матвей Николаевич Евсеев ыҥырыылаах ыалдьыттарынан сырыттылар.
Туприн Владимир Ануфриевич аал уоту оттон, арыылаах алаадьынан айах тутан күндүлээтэ, алгыс эттэ. Бөһүөлэк баһылыга Канат Ускенбаевич Алькенов, кини солбуйааччыта Кылтасова Вера Михайловна, «Тугутчаана» оҕо саадын сэбиэдиссэйэ Попова Зинаида Яковлевна, «Алмазы Анабара» ААУо Үруҥ Хайатааҕы базатын салайааччы Жуйков Сергей Викторович уонна «Техмаш-Энерго» ХЭУо наладчик-инженерэ Кексин Юрий Васильевич нэһилиэк дьонун кэрэ-бэлиэ күнүнэн эҕэрдэлээтилэр. Бу кэнниттэн бөһүөлэк баһылыга Канат Ускенбаевич Алькенов, «Комтехсервис» МАУ салайааччыта Сабитов Николай Жалгасович, «Техмаш-Энерго» ХЭУо инженерэ Кексин Юрий Васильевич буоланнар кыһыл лиэнтэни быстылар.
«Чистая вода - ЕРМАК» сууккаҕа 8 куб. м ыраас ууну бэлэмниир кыахтаах.
Бөһүөлэк олохтоохторо Ил Түмэн депутатыгар, «Нижне-Ленское» ААУо генеральнай директорыгар Иван Иванович Андреевка, «Алмазы Анабара» ААУо генеральнай директорыгар Евсеев Матвей Николаевичка бөһүөлэкпит сайдарыгар мэлдьитин күүс - көмө буолалларыгар барҕа махталларын тиэрдэллэр.
Комментарии
Авторизация на сайте через социальные сети