ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
17 июля 2015, 14:41

Оҕону быыһаары, бэйэтэ былдьанна


Бэҕэһээ, от ыйын 16 күнүгэр, Дьокуускай куорат таһынааҕы Петуховкаҕа олус хомолтолоох быһылаан таҕыста. Эдэр киһи ууга түһэн эрэр оҕону быыһаан баран, бэйэтэ былаҕайга былдьатта.

Быыһаабыт уол Никифоров Алексей Александрович Кэбээйи улууһун Мастаах сэлиэнньэтигэр 1991 сыл тохсунньу 18 күнүгэр күн сирин көрбүт. Оҕо эрдэҕиттэн спордунан утумнаахтык дьарыктанан, хапсаҕайга спорт маастара, көҥүл тустууга маастарга кандидат, бойобуой самбоҕа өрөспүүбүлүкэ хас да төгүллээх чемпиона этэ.

   Саргы Михайлова, Алексей балта:

 -- Быһылаан бэҕэһээ киэһэ 20.30 чаас саҕана буолбут. Сөтүөлүү сылдьыбыт 10 саастаах уол ууга түһэн эрэрин көрөн, үһүөн быыһыы ыстаммыттар. Оҕону быыһаан баран, убайым кыайан тахсыбатах, анараа икки киһи бэйэлэрэ былдьана сыспыттар. Оттон оҕо дьоно уолларын ылаат, баран хаалбыттар. Убайбын водолазтар билигин да көрдүү сылдьаллар, була иликтэр...

  Убайым барахсан былаана киэҥ этэ: быйыл ХИФУ юридическай факультетын бүтэрэн, үлэҕэ киирээри сылдьыбыта. Күһүн бойобуой самбоҕа Россия чемпионатыгар кытта барыахтааҕа, тус олоҕор да былааннардааҕа...

  Бу сайын тоҕо эрэ наар сөтүөнү батыспыта, киэһэ аайы сөтүөлүү барар эрэ. Кумах анныгар киирэн, төбөтө эрэ көстөр гына, көмүнэ оонньообута... Бэҕэһээ аймахтарыгар барыларыгар сылдьыбыт этэ...

При частичном или полном использовании материалов гиперссылка на сайт ysia.ru обязательна.
Категория: Происшествия Просмотров: 1212 Источник: ЯСИА Автор: Вера Макарова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ