- Түмүгү үөрүүлээх быһыыга-майгыга «Сахабэчээт» автономнай тэрилтэ дириэктэрэ Филипп Пестряков билиһиннэрдэ. Кини көхтөөхтүк кыттыбыт, сытыы оонньууну көрдөрбүт дуобатчыттарга махтанна уонна үүнэн иһэр Саҥа дьылынан истиҥник эҕэрдэлээтэ. Суруналыыстарга ситиһиини баҕаран туран, кыайыылаахтарга мэтээллэри, сыаналаах бэлэхтэри, кубогы туттарда.
- Бастакы бөлөххө тыҥааһыннаах киирсии түмүгэр «Кэскил» хаһыат үлэһитэ Анатолий Павлов, былырыыҥҥы кыайыылааҕы, СИА фотограбын Александр Назаровы бэрт кыранан сабырыйан, бастаата. Үһүс бочуоттаах миэстэҕэ эр дьону кытта тэҥҥэ үрдүк таһымнаахтык оонньоон «Забота Арчы» хаһыат корректора Марина Лыткина тигистэ.
- Иккис бөлөххө «Саха сирэ» хаһыат тылбаасчыта Николай Киприянов эрэлээхтик бастаата. Быйыл олус үчүгэй оонньууну көрдөрөн «Сахабэчээт» автономнай тэрилтэ дириэктэрэ Филипп Пестряков иккис миэстэни ылла. «Кэскил» хаһыат үлэһитэ, турнир сүрүн судьуйата Иван Андросов үһүс буолла.
- Дуобат турнирын анал бирииһин хаһаайыннарынан Иннокентий Владимиров («Эдэр оонньооччу»), Филипп Пестряков («Күүстээх оонньооччулары тиритиннэрээччи»),Иван Андросов («Бастыҥ судьуйа») буоллулар. Маны таһынан, кыттыбыт дуобатчыттар бары «Сахабэчээт» тэрилтэ сайдыыга дириэктэрэ Владимир Сыромятников илиититтэн дуобат саҥа дуоскаларын бэлэх ылан үөрдүлэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети