- Күннээҕи бэрээдэк байыаннайдыҥы: сарсыарда 7 чааска туруу, физзарядка, дьиэни хомуйуу, стройдааһын, сарсыардааҥҥы аһылык, дьарыктаныылар, эбиэт, спортивнай-маассабай тэрээһиннэр, түөртүүр, строевой дьарыктаныылар, киэһээҥи аһылык, чаас аҥаара иллэҥ кэм, 22 чаас 15 мүнүүтэҕэ утуйуу.
- Тоҕус көрүҥҥэ күрэхтэһиилэр ыытылыннылар. АК-74 автоматы ыһыыга уонна хомуйууга бастыҥ түмүгү Дьулус Тарабукин ситистэ. Егор Сыромятников, Семен Колесов иккис, үһүс буоллулар. Ытыыга 50 очукуоттан Игорь Дарбасов 21 очукуону ылан бастаата. Киниттэн Иван Готовцев 2 очукуонан хаалла, Семен Скрыбыкин үһүс көрдөрүүлэннэ. Тардыныыга Иван Дарбасов тэҥнээҕин булбата.
- Мас тардыһыытыгар бастакы миэстэни Дмитрий Карманов, Анатолий Кучеров, Иван Готовцев, Юрий Аянитов уонна Иннокентий Соколов састааптаах III отделение ылла. 100 уонна 1000 м сүүрүүгэ иккис отделение уолаттара бастакынан кэллилэр.
- Футболга IV отделение - Ньургун Степанов, Иван Тимофеев, Александр Сополев, Сарыал Майоров, Максим Захаров - чемпионунан буолла. Волейболга III отделение - Дмитрий Карманов, Андрей Филиппов, Ислам Баймурзаев, Айсан Саввин, Айаан Кивошапкин, Иван Готовцев кыайдылар.
- Уолаттар СИА корреспонденын кытта санааларын үллэһиннилэр.
- Анатолий Кучеров, гимназия:
- - Сбору олус сөбүлээтим, мин үһүс отделение командирынабын. Отделениеҕа бастаан 12 байыас баара, олортон 2 байыас кыайан тулуйбатаҕа. Сарсыарда аайы сүүрэбит, марш-бросоктары оҥоробут, дьиэбитин хомуйабыт, строевой бэлэмнэниини барабыт. Мин чэпчэки атлетиканан, күүс биэрэр эрчиллиилэринэн дьарыктанабын, ол көмөлөстө. Аармыйаҕа сулууспалыы барыам. Десантнай чааска сулууспалыахпын баҕарабын, үрдүгүм 180 см, онон бары ирдэбиллэргэ эппиэттиибин, бэлэмим үчүгэй.
- Готовцев Ваня, Мэҥэ Алдан оскуолата:
- - Мин эмиэ үһүс отделениеҕа баарбын, сборга аан бастаан сылдьабын, сөбүлээтим. Биһиги отделениебыт волейболга, мас тардыһыытыгар кыайда. Бэйэм ытыыга 50-тан 17 очукуону ыллым, иккис буоллум. Сайын үөрэнээччилэр лааҕырдарыгар үлэлиибин, 8 кылаастан спордунан дьарыктанабын. Ити барыта ыарахаттары тулуйарга көмөлөһөр.
- Колесов Сема, Кириэс Халдьаайы оскуолата:
- - Мин бастакы отделение командирабын. Тус бэйэм холобурбунан оҕолор мин бирикээспин истэллэрин ситэһэргэ дьулуһабын. Отделениеҕа бастаан 13 байыас баара. Бүтэһигэр 10 киһи хаалбыта. Эт-хаан өттүнэн бэлэм наада. Холобур, мин былырыын "Эрэлгэ" кыттыбытым. Онно перекладинаҕа 13-тэ тардыммытым. Быйыл ону тупсардым - 15-тэ тардынным. Мин өссө мас тардаһыытынан дьарыктанабын, республикатааҕы турнирдар хас да төгүллээх кыайыылаахтара буолабын. Сборга күн ахсын 5-тэ аһаттылар, хааһы сиэтибит, мииниттэн фруктатыгар тиийэ баар. Сбору сөбүлээтим, аармыйаҕа сулууспалыы барыам.
- Новгородов Петр Викторович, Томпотооҕу үөрэх управлениетын начальнига:
- - Оскуолаларга аармыйаҕа ыҥырыллар саастаах 67 уол баар. Сборга 60 киһи кэллэ, олортон 40 киһи бары эриири-мускууру ааста. Аҕа дойдуну көмүскээччи идэтэ урут да баара, инникитин өссө бочуоттаах буолуо. Ааспыт героическай олохпутун үөрэтэн, уолаттар аҕаларын уонна эһэлэрин хорсун быһыыларыгар уһуллуох тустаахтар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети