ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 июня 2015, 10:31

Олоҥхо ыһыахтара – ураты ыһыахтар


Бүгүн отуттан тахса сыл саха олоҥхотун тылбаастаабыт, чинчийбит турок учуонайын Метин Эргуну кытта кэпсэттим.

Төһө да үйэтин тухары саха фольклорун, олоҥхотун кытта ыкса үлэлэстэр, быйыл эрэ Саха сиригэр кэлбит, онон олоҥхоҕо туойуллар ыһыаҕы көрүөн баҕалаах кэлбитэ өйдөнөр. Чурапчыга ыытыллыбыт тохсус Олоҥхо ыһыаҕын көрө олорон, бу турок учуонайа ытамньыйбыт, түүр омук түҥ былыргы култууратын, итэҕэлин тута сылдьар саха омугар, кини сүүрбэччэ сылы быһа иитиэхтээбит баҕатын илэ көрдөрбүт, бу ыһыаҕы иилээн-саҕалаан тэрийбит Чурапчы дьонугар, кини үлэтин үрдүктүк сыаналаабыт Ил Дархаҥҥа барҕа махталын тиэрдибитэ.

Олоҥхо ыһыахтара – ураты ыһыахтар. Саха омук кутун-сүрүн, дьулуурун, олоххо, дьоҥҥо-сэргэҕэ сыһыанын, о.д.а. дьиҥнээхтик көрдөрөллөр. Онон хас биирдии ыытар улуус ити тургутууну ааһар. Быйылгы тохсус Олоҥхо ыһыаҕа ону дьоһуннук туораата. Төһө да араас тыл-өс тарҕаннар, Чурапчы дьоно-сэргэтэ саха киһитин түмсүүлээҕин, киэҥ-холку көҕүстээҕин, уһун-киэҥ санаалааҕын, ыалдьытымсах сыһыаннааҕын көрдөрөн, Олоҥхо ыһыахтарын таһымын өссө үрдүк кэрдиискэ таһаардылар дии санаатым.

Чуолаан, суруйар-сырдатар идэлээх дьону ытыстарыгар түһэрэн ылбыт, сахалыы астына аһаппыт “Туллукчаан” уһуйаан кэлэктиибигэр, сэбиэдиссэй Татьяна Ивановна Ефремоваҕа уонна Чурапчы ыалдьытымсах, үтүө-мааны далбар хотунугар Анастасия Афанасьевна Григорьеваҕа истиҥ махталбын тиэрдэбин!

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 702 Источник: ЯСИА Автор: Антонина Эверстова Изображение: Виктор Эверстов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ